پاۆلوداردا توي ٶتكٸزگەندەر دە, وعان بارعاندار دا ايىپپۇل تٶلەدٸ

وبلىستىق پوليتسييا دەپارتامەنتٸنٸڭ حابارلاۋىنشا, قۇرامىنا پوليتسييا قىزمەتكەرلەرٸ كٸرەتٸن مونيتورينگتٸك توپ وبلىستىق باس سانيتارلىق دەرٸگەردٸڭ قاۋلىسىندا كٶرسەتٸلگەن تالاپتاردى ساقتاۋ ماقساتىندا تۇراقتى تٷردە تەكسەرٸس جۇمىستارىن جٷرگٸزٸپ كەلەدٸ.

- ٶتكەن دەمالىس كٷندەرٸ كارانتين تالاپتارىن بۇزعان 11 فاكت تٸركەلدٸ. مەسەلەن, 6 تامىز كٷنٸ ساعات 20:00-دە قايداروۆ كٶشەسٸندە ورنالاسقان تويحانادا 30 ادامعا ارنالعان ٷيلەنۋ تويى ٶتكٸزٸلٸپ جاتقانى انىقتالدى. مونيتورينگتٸك توپتىڭ كەلگەنٸن بٸلگەن قوناقتار جاۋاپكەرشٸلٸكتەن ەرٸ جوعارى ايىپپۇل ارقالاۋدان قورقىپ, وقيعا ورنىنان قاشا جٶنەلدٸ. ول قاتاردا ٷيلەنٸپ جاتقان جاس جۇبايلار دا بولدى. الايدا قاشۋ وپەراتسيياسى سەتتٸ اياقتالمادى. تويعا كەلگەن بارلىق ادام پوليتسييا بٶلٸمشەسٸنە جەتكٸزٸلدٸ, دەيدٸ پاۆلودار قالاسى پوليتسييا باسقارماسىنىڭ جەرگٸلٸكتٸ پوليتسييا قىزمەتٸنٸڭ باستىعى ارمان قاپتاەۆ.

اتالعان فاكت بويىنشا بارلىق ماتەريالدار جينالىپ, قر ەقبك 425-بابى بويىنشا ەكٸمشٸلٸك جاۋاپكەرشٸلٸككە تارتۋ ٷشٸن سانيتارلىق-ەپيدەميولوگييالىق باقىلاۋ باسقارماسىنا جولداندى. وسى باپقا سەيكەس ٷيلەنۋ تويىنىڭ ەربٸر قاتىسۋشىسىنا 30 اەك مٶلشەرٸندە, سونداي-اق مەكەمە يەسٸنە 230 اەك مٶلشەرٸندە ايىپپۇل سالىنعان.

ايتا كەتۋ كەرەك, اعىمداعى جىلدىڭ باسىنان بەرٸ پاۆلوداردا مونيتورينگتٸك توپتار سانيتارلىق نورمالاردى بۇزۋدىڭ 146 فاكتٸسٸن انىقتادى.