Foto: Gov.kz
Pavlodar oblysynda Halyqaralyq jastar kúni jáne Jumysshy mamandyqtary jyly aiasynda «Jastar bolashaǵy – jarqyn Qazaqstan» atty respýblikalyq jastar forýmy jumysyn bastady, dep habarlaidy Ult.kz.
Forýmǵa elimizdiń barlyq óńirinen 120-dan astam belsendi jas – injenerler, ónerkásip kásiporyndarynyń mamandary, IT-ázirleýshiler, dárigerler, kásipkerler jáne qoǵamdyq uiymdardyń ókilderi jinaldy. Barlyq qatysýshy 35 jasqa deiingi, maqsaty aiqyn, jańa synaqtarǵa daiyn jáne kásibi ósýge baǵyttalǵan jandar.
Qazaqstan Prezidenti Qasym-Jomart Toqaev delegattarǵa quttyqtaý sóz sóilep, jastar qoǵamnyń qozǵaýshy kúshi jáne eldi jańǵyrtýdyń basty qozǵaltqyshy ekenin atap ótti. Forýmǵa qatysýshylarǵa Memleket basshysynyń beine quttyqtaýy LED-ekran arqyly kórsetildi.
Forým jumysyna QR Premer-ministriniń orynbasary Ermek Kósherbaev qatysty.
«Búgin munda myqty, básekege qabiletti jáne tehnologiialyq jaǵynan damyǵan Qazaqstandy qalyptastyratyn jastar jinalyp otyr. Bizdiń elimizde halyqtyń úshten biri jastar, azamattardyń ortasha jasy 32 jasty quraidy jáne bul úles ósýde. Sondyqtan Jumysshy mamandyqtary jylyn jariialaý olardyń bedelin arttyrý jáne tehnikalyq mamandyqtardy jastar arasynda tanymal etý úshin mańyzdy qadam boldy», — dep atap ótti vitse-premer.
Ol Úkimettiń jas qazaqstandyqtardy qoldaý boiynsha keshendi sharalar iske asyryp jatqanyn habarlady:
- - stýdenttik shákirtaqylar eki esege ulǵaityldy (jumys biliktiligi boiynsha 43 574 tg., orta býyn boiynsha 41 896 tg.);
- - 4,5 myń oryndyq 17 jataqhana salynýda (kolledj stýdentteriniń 85%-y turǵyn úimen qamtamasyz etilgen);
- - sheteldik kolledjder men ýniversitetterdiń filialdary ashyldy;
- - «Jasyl el», «Jastar tájiribesi», «Diplommen aýylǵa» baǵdarlamalary iske asyrylýda;
- - jumysshy mamandarǵa arnalǵan jeńildetilgen «Naýryz», «Otaý» turǵyn úi baǵdarlamalary jáne «Naýryz jumysker» jańa jobasy jumys isteidi;
- - «Bolashaq» stipendiiasyna qaita baǵdarlaý júrgizildi — granttardyń keminde 60%-y tehnikalyq mamandyqtarǵa bólinedi.
Ermek Kósherbaev Qazaqstan kadrlardy daiarlaýdyń halyqaralyq standarttaryn belsendi engizip jatqanyn atap ótti. 10 elden kelgen uiymdarmen 50 memorandým jasaldy, WorldSkills qozǵalysyna qatysý damýda, WorldSkills Kazakhstan Ulttyq quzyrettilik ortalyǵy quryldy, al Aqtaýda segiz memlekettiń mamandarynyń qatysýymen alǵashqy TurkicSkills chempionaty ótkizildi.
«Biz qoǵamnyń jumysshy mamandyqtarǵa degen kózqarasyn ózgertýimiz kerek – bul turaqtylyqqa, laiyqty jumysqa jáne kásibi ósýge aparatyn jol», — dep túiindedi Premer-ministrdiń orynbasary.
Foto: Gov.kz
Is-shara barysynda bir salada kóp jyldar eńbek etip kele jatqan Pavlodar oblysynyń eńbekkerler áýleti Ámirenovter marapattaldy. Olar kómir óndiretin kásiporynda 180 jyldan astam ýaqyt jumys isteýde.
«Men eńbekke degen qurmet urpaqtan-urpaqqa berilgen otbasynda er jettim. Meniń atam, ákem, aǵalarym ómir boiy aimaqtyń igiligi jolynda aianbai eńbek etti. Men solardyń jolyn jalǵastyryp jatqanymdy maqtan tutamyn. Men úshin jumysshy mamandyq – turaqtylyq, laiyqty ómir jáne qajyrly eńbektiń nátijesin kórý múmkindigi. Men osy forýmda bizdiń, iaǵni jas mamandardyń elimizge qajet ekenimizdi jáne onyń damýyna óz úlesimizdi qosa alatynymyzǵa kóz jetkizdim», — dep bólisti áýlettiń jas ókili Erqanat Ámirenov.
Pavlodar oblysynyń ákimi Asaiyn Baihanov óńirdegi myńnan astam ónerkásiptik kásiporynda 80 myńnan astam adam eńbek etetin jáne onyń 75%-y jumysshy mamandyqtary ekenin atap ótti.
«Tehnikalyq mamandyqtardyń jas mamandary úshin biz naqty jaǵdailar jasaýdamyz – kepildi jumysqa ornalasý, laiyqty jalaqy, áleýmettik paket. Búgingi forým – bul kúsh-jigerdi biriktirýdiń, jańa ideialarmen almasýdyń jáne eldiń damýyna yqpal etetin naqty usynystar engizýdiń biregei múmkindigi», — dep atap ótti óńir basshysy.
Forým pikir almasý, oqytý jáne tájiribemen bólisý formatynda ótti. Qatysýshylar plenarlyq otyrystar men taqyryptyq sessiialarǵa qatysty, ónerkásip, biznes jáne kreativti indýstriia ókilderinen tájiribelik keńester aldy, treningter, dialog alańdary men sheberlik synyptarynan ótti, sondai-aq óńirdiń jetekshi kásiporyndarynda boldy.
Forým aiasynda «Pavlodar – jumysshy mamandyqtar aimaǵy» kórmesi, al keshke – Ertis Promenade jaǵalaýynda «Jastar FEST» aýqymdy jastar festivali uiymdastyryldy. Talantty jastar men tanymal oryndaýshylardyń qatysýymen Open AIR formatyndaǵy kontserttik baǵdarlama myńdaǵan kórermendi shyǵarmashylyq jáne ashyq dialog atmosferasyna biriktirdi.
Respýblikalyq jastar forýmy tek mereke ǵana emes, sonymen qatar memlekettik qoldaýdy, kásibi jandardyń tájiribesi men jańa býyn urpaqtyń basyn biriktirgen aýqymdy pikirtalas alańyna ainaldy. Mundai is-sharalar eldiń kadrlyq áleýetin qalyptastyrýǵa yqpal etedi, jumysshy mamandyqtardyń bedelin arttyrady jáne jastardyń elimizdi damytýǵa belsendi qatysýyna jaǵdai jasaidy.
.jpeg)