فوتو: Gov.kz
پاۆلودار وبلىسىندا حالىقارالىق جاستار كٷنٸ جەنە جۇمىسشى ماماندىقتارى جىلى اياسىندا «جاستار بولاشاعى – جارقىن قازاقستان» اتتى رەسپۋبليكالىق جاستار فورۋمى جۇمىسىن باستادى, دەپ حابارلايدى Ult.kz.
فورۋمعا ەلٸمٸزدٸڭ بارلىق ٶڭٸرٸنەن 120-دان استام بەلسەندٸ جاس – ينجەنەرلەر, ٶنەركەسٸپ كەسٸپورىندارىنىڭ ماماندارى, IT-ەزٸرلەۋشٸلەر, دەرٸگەرلەر, كەسٸپكەرلەر جەنە قوعامدىق ۇيىمداردىڭ ٶكٸلدەرٸ جينالدى. بارلىق قاتىسۋشى 35 جاسقا دەيٸنگٸ, ماقساتى ايقىن, جاڭا سىناقتارعا دايىن جەنە كەسٸبي ٶسۋگە باعىتتالعان جاندار.
قازاقستان پرەزيدەنتٸ قاسىم-جومارت توقاەۆ دەلەگاتتارعا قۇتتىقتاۋ سٶز سٶيلەپ, جاستار قوعامنىڭ قوزعاۋشى كٷشٸ جەنە ەلدٸ جاڭعىرتۋدىڭ باستى قوزعالتقىشى ەكەنٸن اتاپ ٶتتٸ. فورۋمعا قاتىسۋشىلارعا مەملەكەت باسشىسىنىڭ بەينە قۇتتىقتاۋى LED-ەكران ارقىلى كٶرسەتٸلدٸ.
فورۋم جۇمىسىنا قر پرەمەر-مينيسترٸنٸڭ ورىنباسارى ەرمەك كٶشەرباەۆ قاتىستى.
«بٷگٸن مۇندا مىقتى, بەسەكەگە قابٸلەتتٸ جەنە تەحنولوگييالىق جاعىنان دامىعان قازاقستاندى قالىپتاستىراتىن جاستار جينالىپ وتىر. بٸزدٸڭ ەلٸمٸزدە حالىقتىڭ ٷشتەن بٸرٸ جاستار, ازاماتتاردىڭ ورتاشا جاسى 32 جاستى قۇرايدى جەنە بۇل ٷلەس ٶسۋدە. سوندىقتان جۇمىسشى ماماندىقتارى جىلىن جارييالاۋ ولاردىڭ بەدەلٸن ارتتىرۋ جەنە تەحنيكالىق ماماندىقتاردى جاستار اراسىندا تانىمال ەتۋ ٷشٸن ماڭىزدى قادام بولدى», — دەپ اتاپ ٶتتٸ ۆيتسە-پرەمەر.
ول ٷكٸمەتتٸڭ جاس قازاقستاندىقتاردى قولداۋ بويىنشا كەشەندٸ شارالار ٸسكە اسىرىپ جاتقانىن حابارلادى:
- - ستۋدەنتتٸك شەكٸرتاقىلار ەكٸ ەسەگە ۇلعايتىلدى (جۇمىس بٸلٸكتٸلٸگٸ بويىنشا 43 574 تگ., ورتا بۋىن بويىنشا 41 896 تگ.);
- - 4,5 مىڭ ورىندىق 17 جاتاقحانا سالىنۋدا (كوللەدج ستۋدەنتتەرٸنٸڭ 85%-ى تۇرعىن ٷيمەن قامتاماسىز ەتٸلگەن);
- - شەتەلدٸك كوللەدجدەر مەن ۋنيۆەرسيتەتتەردٸڭ فيليالدارى اشىلدى;
- - «جاسىل ەل», «جاستار تەجٸريبەسٸ», «ديپلوممەن اۋىلعا» باعدارلامالارى ٸسكە اسىرىلۋدا;
- - جۇمىسشى ماماندارعا ارنالعان جەڭٸلدەتٸلگەن «ناۋرىز», «وتاۋ» تۇرعىن ٷي باعدارلامالارى جەنە «ناۋرىز جۇمىسكەر» جاڭا جوباسى جۇمىس ٸستەيدٸ;
- - «بولاشاق» ستيپەنديياسىنا قايتا باعدارلاۋ جٷرگٸزٸلدٸ — گرانتتاردىڭ كەمٸندە 60%-ى تەحنيكالىق ماماندىقتارعا بٶلٸنەدٸ.
ەرمەك كٶشەرباەۆ قازاقستان كادرلاردى دايارلاۋدىڭ حالىقارالىق ستاندارتتارىن بەلسەندٸ ەنگٸزٸپ جاتقانىن اتاپ ٶتتٸ. 10 ەلدەن كەلگەن ۇيىمدارمەن 50 مەموراندۋم جاسالدى, WorldSkills قوزعالىسىنا قاتىسۋ دامۋدا, WorldSkills Kazakhstan ۇلتتىق قۇزىرەتتٸلٸك ورتالىعى قۇرىلدى, ال اقتاۋدا سەگٸز مەملەكەتتٸڭ ماماندارىنىڭ قاتىسۋىمەن العاشقى تurkicSkills چەمپيوناتى ٶتكٸزٸلدٸ.
«بٸز قوعامنىڭ جۇمىسشى ماماندىقتارعا دەگەن كٶزقاراسىن ٶزگەرتۋٸمٸز كەرەك – بۇل تۇراقتىلىققا, لايىقتى جۇمىسقا جەنە كەسٸبي ٶسۋگە اپاراتىن جول», — دەپ تٷيٸندەدٸ پرەمەر-مينيستردٸڭ ورىنباسارى.
فوتو: Gov.kz
ٸس-شارا بارىسىندا بٸر سالادا كٶپ جىلدار ەڭبەك ەتٸپ كەلە جاتقان پاۆلودار وبلىسىنىڭ ەڭبەككەرلەر ەۋلەتٸ ەمٸرەنوۆتەر ماراپاتتالدى. ولار كٶمٸر ٶندٸرەتٸن كەسٸپورىندا 180 جىلدان استام ۋاقىت جۇمىس ٸستەۋدە.
«مەن ەڭبەككە دەگەن قۇرمەت ۇرپاقتان-ۇرپاققا بەرٸلگەن وتباسىندا ەر جەتتٸم. مەنٸڭ اتام, ەكەم, اعالارىم ٶمٸر بويى ايماقتىڭ يگٸلٸگٸ جولىندا ايانباي ەڭبەك ەتتٸ. مەن سولاردىڭ جولىن جالعاستىرىپ جاتقانىمدى ماقتان تۇتامىن. مەن ٷشٸن جۇمىسشى ماماندىق – تۇراقتىلىق, لايىقتى ٶمٸر جەنە قاجىرلى ەڭبەكتٸڭ نەتيجەسٸن كٶرۋ مٷمكٸندٸگٸ. مەن وسى فورۋمدا بٸزدٸڭ, ياعني جاس مامانداردىڭ ەلٸمٸزگە قاجەت ەكەنٸمٸزدٸ جەنە ونىڭ دامۋىنا ٶز ٷلەسٸمٸزدٸ قوسا الاتىنىمىزعا كٶز جەتكٸزدٸم», — دەپ بٶلٸستٸ ەۋلەتتٸڭ جاس ٶكٸلٸ ەرقانات ەمٸرەنوۆ.
پاۆلودار وبلىسىنىڭ ەكٸمٸ اسايىن بايحانوۆ ٶڭٸردەگٸ مىڭنان استام ٶنەركەسٸپتٸك كەسٸپورىندا 80 مىڭنان استام ادام ەڭبەك ەتەتٸن جەنە ونىڭ 75%-ى جۇمىسشى ماماندىقتارى ەكەنٸن اتاپ ٶتتٸ.
«تەحنيكالىق ماماندىقتاردىڭ جاس ماماندارى ٷشٸن بٸز ناقتى جاعدايلار جاساۋدامىز – كەپٸلدٸ جۇمىسقا ورنالاسۋ, لايىقتى جالاقى, ەلەۋمەتتٸك پاكەت. بٷگٸنگٸ فورۋم – بۇل كٷش-جٸگەردٸ بٸرٸكتٸرۋدٸڭ, جاڭا يدەيالارمەن الماسۋدىڭ جەنە ەلدٸڭ دامۋىنا ىقپال ەتەتٸن ناقتى ۇسىنىستار ەنگٸزۋدٸڭ بٸرەگەي مٷمكٸندٸگٸ», — دەپ اتاپ ٶتتٸ ٶڭٸر باسشىسى.
فورۋم پٸكٸر الماسۋ, وقىتۋ جەنە تەجٸريبەمەن بٶلٸسۋ فورماتىندا ٶتتٸ. قاتىسۋشىلار پلەنارلىق وتىرىستار مەن تاقىرىپتىق سەسسييالارعا قاتىستى, ٶنەركەسٸپ, بيزنەس جەنە كرەاتيۆتٸ يندۋسترييا ٶكٸلدەرٸنەن تەجٸريبەلٸك كەڭەستەر الدى, ترەنينگتەر, ديالوگ الاڭدارى مەن شەبەرلٸك سىنىپتارىنان ٶتتٸ, سونداي-اق ٶڭٸردٸڭ جەتەكشٸ كەسٸپورىندارىندا بولدى.
فورۋم اياسىندا «پاۆلودار – جۇمىسشى ماماندىقتار ايماعى» كٶرمەسٸ, ال كەشكە – Ertis Promenade جاعالاۋىندا «جاستار FEST» اۋقىمدى جاستار فەستيۆالٸ ۇيىمداستىرىلدى. تالانتتى جاستار مەن تانىمال ورىنداۋشىلاردىڭ قاتىسۋىمەن Open AIR فورماتىنداعى كونتسەرتتٸك باعدارلاما مىڭداعان كٶرەرمەندٸ شىعارماشىلىق جەنە اشىق ديالوگ اتموسفەراسىنا بٸرٸكتٸردٸ.
رەسپۋبليكالىق جاستار فورۋمى تەك مەرەكە عانا ەمەس, سونىمەن قاتار مەملەكەتتٸك قولداۋدى, كەسٸبي جانداردىڭ تەجٸريبەسٸ مەن جاڭا بۋىن ۇرپاقتىڭ باسىن بٸرٸكتٸرگەن اۋقىمدى پٸكٸرتالاس الاڭىنا اينالدى. مۇنداي ٸس-شارالار ەلدٸڭ كادرلىق ەلەۋەتٸن قالىپتاستىرۋعا ىقپال ەتەدٸ, جۇمىسشى ماماندىقتاردىڭ بەدەلٸن ارتتىرادى جەنە جاستاردىڭ ەلٸمٸزدٸ دامىتۋعا بەلسەندٸ قاتىسۋىنا جاعداي جاسايدى.
.jpeg)