Foto: ashyq derekkóz
Pavlodar oblysynda memlekettik satyp alý salasyndaǵy zań talaptaryn júieli túrde elemegen 19 laýazymdy tulǵa ákimshilik jaýaptylyqqa tartyldy, dep habarlaidy Ult.kz.
Pavlodar prokýrorlary júrgizgen tekseris nátijesinde «Memlekettik satyp alý týraly» zańnyń birqatar mekemeler men kásiporyndarda júieli túrde buzylatyny anyqtaldy.
Zań talaptaryna sáikes, tapsyrys berýshiler jetkizýshi mindettemelerdi oryndamaǵan jaǵdaida 30 kún ishinde ony memlekettik satyp alýdyń adal emes qatysýshysy dep taný týraly talap aryzben sotqa júginýge mindetti. Alaida taldaý memlekettik mekemeler bul mindetti birneshe ret oryndamaǵanyn kórsetti.
Bul áreketsizdik adal emes jetkizýshilerge jaýapkershilikten jaltarýǵa, shart talaptaryn oryndamasa da jazasyz qalýyna jol ashady. Zańda mundai buzýshylyqtar úshin laýazymdy tulǵalarǵa ákimshilik jaýaptylyq qarastyrylǵan.
Mysal retinde, sot «KAZ SERVICE PVL» JShS-ne qatysty «Aqsý qalasynyń mektep-litseii» KMM-niń talap aryzyn merzimniń ótkizip alynýyna bailanysty qanaǵattandyrýdan bas tartqan. Mekeme seriktestik tarapynan mindettemelerdiń buzylǵanyn 2024 jylǵy tamyzda bilgenimen, talap aryz tek bes aidan keiin berilgen.
Prokýratýra engizgen usyný negizinde Ishki memlekettik aýdit departamenti mektep direktoryn ákimshilik jaýapkershilikke tartyp, aiyppul saldy.
Jalpy, dál osyndai quqyqbuzýshylyqqa jol bergen 19 laýazymdy tulǵa jaýapqa tartyldy.
