فوتو: اشىق دەرەككٶز
پاۆلودار وبلىسىندا مەملەكەتتٸك ساتىپ الۋ سالاسىنداعى زاڭ تالاپتارىن جٷيەلٸ تٷردە ەلەمەگەن 19 لاۋازىمدى تۇلعا ەكٸمشٸلٸك جاۋاپتىلىققا تارتىلدى, دەپ حابارلايدى Ult.kz.
پاۆلودار پروكۋرورلارى جٷرگٸزگەن تەكسەرٸس نەتيجەسٸندە «مەملەكەتتٸك ساتىپ الۋ تۋرالى» زاڭنىڭ بٸرقاتار مەكەمەلەر مەن كەسٸپورىنداردا جٷيەلٸ تٷردە بۇزىلاتىنى انىقتالدى.
زاڭ تالاپتارىنا سەيكەس, تاپسىرىس بەرۋشٸلەر جەتكٸزۋشٸ مٸندەتتەمەلەردٸ ورىنداماعان جاعدايدا 30 كٷن ٸشٸندە ونى مەملەكەتتٸك ساتىپ الۋدىڭ ادال ەمەس قاتىسۋشىسى دەپ تانۋ تۋرالى تالاپ ارىزبەن سوتقا جٷگٸنۋگە مٸندەتتٸ. الايدا تالداۋ مەملەكەتتٸك مەكەمەلەر بۇل مٸندەتتٸ بٸرنەشە رەت ورىنداماعانىن كٶرسەتتٸ.
بۇل ەرەكەتسٸزدٸك ادال ەمەس جەتكٸزۋشٸلەرگە جاۋاپكەرشٸلٸكتەن جالتارۋعا, شارت تالاپتارىن ورىنداماسا دا جازاسىز قالۋىنا جول اشادى. زاڭدا مۇنداي بۇزۋشىلىقتار ٷشٸن لاۋازىمدى تۇلعالارعا ەكٸمشٸلٸك جاۋاپتىلىق قاراستىرىلعان.
مىسال رەتٸندە, سوت «KAZ SERVICE PVL» جشس-نە قاتىستى «اقسۋ قالاسىنىڭ مەكتەپ-ليتسەيٸ» كمم-نٸڭ تالاپ ارىزىن مەرزٸمنٸڭ ٶتكٸزٸپ الىنۋىنا بايلانىستى قاناعاتتاندىرۋدان باس تارتقان. مەكەمە سەرٸكتەستٸك تاراپىنان مٸندەتتەمەلەردٸڭ بۇزىلعانىن 2024 جىلعى تامىزدا بٸلگەنٸمەن, تالاپ ارىز تەك بەس ايدان كەيٸن بەرٸلگەن.
پروكۋراتۋرا ەنگٸزگەن ۇسىنۋ نەگٸزٸندە ٸشكٸ مەملەكەتتٸك اۋديت دەپارتامەنتٸ مەكتەپ ديرەكتورىن ەكٸمشٸلٸك جاۋاپكەرشٸلٸككە تارتىپ, ايىپپۇل سالدى.
جالپى, دەل وسىنداي قۇقىقبۇزۋشىلىققا جول بەرگەن 19 لاۋازىمدى تۇلعا جاۋاپقا تارتىلدى.
