Pavlodar qalasynda fitnes-klýbtaǵy jattyǵýdan keiin jergilikti blogerdiń sómkesinde jatqan paýerbank jarylyp, ol aýyr kúiik aldy, dep habarlaidy ult.kz.
"Kriminalnyi Kazahstan" Telegram arnasynyń habarlaýynsha, oqiǵa qyzdyń úiine qaitýǵa jinalyp jatqan sátinde bolǵan. Kenetten sómkesinen qoiý tútin shyǵa bastaǵan. Bloger muny birden baiqamaǵan.
Ol tútindep jatqan sómkeni iyǵynan sheship tastamaq bolǵan kezde qatty jarylys bolǵan. Kýágerlerdiń sózinshe, jalyn áp-sátte qyzdyń ústine tarap ketken.
Fitnes-klýb qyzmetkerleri men kelýshileri dereý kómekke umtylyp, otty qolda bar quraldarmen sóndirýge tyrysqan. Alaida janǵan kiimdi tolyqtai tek syrtqa shyǵarǵannan keiin ǵana óshire alǵan.
Oqiǵadan keiin bloger shuǵyl túrde aýrýhanaǵa jetkizildi. Dárigerler onyń qoly men bas bóliginde aýyr termiialyq kúiikter bar ekenin anyqtaǵan.
Qazirgi ýaqytta zardap shegýshiniń alǵan jaraqattary aýyr dep baǵalanyp otyr. Oqiǵanyń mán-jaiy anyqtalýda.
