Pavlodar oblysyna COVID-19 vaktsinasynyń alǵashqy partiiasy kelip tústi. Bul týraly búgin Ravlodarnews.kz saity habarlady.
Densaýlyq saqtaý ministrliginiń aqparaty boiynsha, Pavlodar oblysyna COVID-19-ǵa qarsy vaktsinanyń barlyǵy 80 myń dozasy bólindi.
«Gam-KOVID-Vak» (Spýtnik V) preparatynyń alǵashqy – 1 200 dozasy 31 qańtarda aimaqqa jetkizilip, Ǵ.Sultanov atyńdaǵy Pavlodar oblystyq aýrýhananyń qoimasyna jetkizildi. Ǵ.Sultanov atyńdaǵy Pavlodar oblystyq aýrýhana kólemi 2,2 tekshe metr muzdatqyshpen jabdyqtalǵan. Jaqyn arada qoimaǵa 1,2 tekshe metr bolatyn taǵy úsh arnaiy muzdatqysh qoiylady. Qajet bolǵan jaǵdaida meditsina qyzmetkerleri oblystyq qan ortalyǵynyń qoimasyn iske qosady, onda 0,48 tekshe metr muzdatqysh ornatylǵan», - delingen oblystyq Densaýlyq saqtaý basqarmasynyń habarlamasynda.
Qalalar men aýdandardaǵy 31 emhanaǵa preparattar termokonteinerlerde jetkiziletin bolady.
Vaktsinalaý úshin alǵashqy meditsinalyq-sanitarlyq kómek mekemelerinde barlyǵy 107 egý kabineti daiyndalǵan.
Egý naýqanyn sapaly ótkizý úshin 1125 meditsina qyzmetkeri daiyndyq kýrsynan ótti. Vaktsinatsiia erikti negizde júrgiziledi.
