پاۆلودار وبلىسىنا COVID-19 ۆاكتسيناسىنىڭ العاشقى پارتيياسى كەلٸپ تٷستٸ. بۇل تۋرالى بٷگٸن رavlodarnews.kz سايتى حابارلادى.
دەنساۋلىق ساقتاۋ مينيسترلٸگٸنٸڭ اقپاراتى بويىنشا, پاۆلودار وبلىسىنا COVID-19-عا قارسى ۆاكتسينانىڭ بارلىعى 80 مىڭ دوزاسى بٶلٸندٸ.
«گام-كوۆيد-ۆاك» (سپۋتنيك V) پرەپاراتىنىڭ العاشقى – 1 200 دوزاسى 31 قاڭتاردا ايماققا جەتكٸزٸلٸپ, ع.سۇلتانوۆ اتىڭداعى پاۆلودار وبلىستىق اۋرۋحانانىڭ قويماسىنا جەتكٸزٸلدٸ. ع.سۇلتانوۆ اتىڭداعى پاۆلودار وبلىستىق اۋرۋحانا كٶلەمٸ 2,2 تەكشە مەتر مۇزداتقىشپەن جابدىقتالعان. جاقىن ارادا قويماعا 1,2 تەكشە مەتر بولاتىن تاعى ٷش ارنايى مۇزداتقىش قويىلادى. قاجەت بولعان جاعدايدا مەديتسينا قىزمەتكەرلەرٸ وبلىستىق قان ورتالىعىنىڭ قويماسىن ٸسكە قوسادى, وندا 0,48 تەكشە مەتر مۇزداتقىش ورناتىلعان», - دەلٸنگەن وبلىستىق دەنساۋلىق ساقتاۋ باسقارماسىنىڭ حابارلاماسىندا.
قالالار مەن اۋداندارداعى 31 ەمحاناعا پرەپاراتتار تەرموكونتەينەرلەردە جەتكٸزٸلەتٸن بولادى.
ۆاكتسينالاۋ ٷشٸن العاشقى مەديتسينالىق-سانيتارلىق كٶمەك مەكەمەلەرٸندە بارلىعى 107 ەگۋ كابينەتٸ دايىندالعان.
ەگۋ ناۋقانىن ساپالى ٶتكٸزۋ ٷشٸن 1125 مەديتسينا قىزمەتكەرٸ دايىندىق كۋرسىنان ٶتتٸ. ۆاكتسيناتسييا ەرٸكتٸ نەگٸزدە جٷرگٸزٸلەدٸ.
