Pavlodar oblysynyń ákimi Bolat Baqaýov jańa orynbasaryn tanystyrdy. Óńir basshysy Dáýren Mahajanovtyń kandidatýrasyn QR Prezident ákimshiligi usynǵandyǵyn atap ótti.
Pavlodar oblysy ákiminiń aýyl sharýashylyǵy boiynsha orynbasary Baýyrjan Qasenov basqa qyzmetke aýysty.
Dáýren Mahajanov 1980 jyly týǵan. Eki joǵary bilimi bar. 2001 jyly Soltústik Qazaqstan Memlekettik ýniversitetin «Ekonomist-menedjer», 2007 jyly A.Myrzahmetov atyndaǵy Kókshetaý ýniversitetin «Qarjy magistri» mamandyǵy boiynsha támámdady. Ekonomika ǵylymdarynyń kandidaty. Jańa taǵaiyndalǵan orynbasar eńbek jolyn 1999 jyly Soltústik Qazaqstan oblysynyń Qyzyljar aýdany ákiminiń apparatynda bas maman bolyp bastaǵan. 2001-2009 jyldary «Qazkommertsbank» AQ, «ATFbank» AQ, «Alians bank» AQ ekinshi deńgeili bankterinde basshylyq qyzmette boldy. 2009-2015 jyldary «Qazaqstannyń ipotekalyq kreditterge kepildik berý qory» AQ, «QazAgroQarjy» AQ, «Qazagro» ulttyq basqarýshy holdingi» AQ-da tóraǵa orynbasary, «Agrarlyq nesie korporatsiiasy» AQ-da basqarma tóraǵasy mindetin atqardy. Osy qyzmetke taǵaiyndalǵanǵa deiin «Agrofýd Bereke» JShS direktorynyń orynbasary laýazymynda boldy.
