پاۆلودار وبلىسىنىڭ ەكٸمٸ بولات باقاۋوۆ جاڭا ورىنباسارىن تانىستىردى. ٶڭٸر باسشىسى دەۋرەن ماحاجانوۆتىڭ كانديداتۋراسىن قر پرەزيدەنت ەكٸمشٸلٸگٸ ۇسىنعاندىعىن اتاپ ٶتتٸ.
پاۆلودار وبلىسى ەكٸمٸنٸڭ اۋىل شارۋاشىلىعى بويىنشا ورىنباسارى باۋىرجان قاسەنوۆ باسقا قىزمەتكە اۋىستى.
دەۋرەن ماحاجانوۆ 1980 جىلى تۋعان. ەكٸ جوعارى بٸلٸمٸ بار. 2001 جىلى سولتٷستٸك قازاقستان مەملەكەتتٸك ۋنيۆەرسيتەتٸن «ەكونوميست-مەنەدجەر», 2007 جىلى ا.مىرزاحمەتوۆ اتىنداعى كٶكشەتاۋ ۋنيۆەرسيتەتٸن «قارجى ماگيسترٸ» ماماندىعى بويىنشا تەمەمدادى. ەكونوميكا عىلىمدارىنىڭ كانديداتى. جاڭا تاعايىندالعان ورىنباسار ەڭبەك جولىن 1999 جىلى سولتٷستٸك قازاقستان وبلىسىنىڭ قىزىلجار اۋدانى ەكٸمٸنٸڭ اپپاراتىندا باس مامان بولىپ باستاعان. 2001-2009 جىلدارى «قازكوممەرتسبانك» اق, «اتفبانك» اق, «اليانس بانك» اق ەكٸنشٸ دەڭگەيلٸ بانكتەرٸندە باسشىلىق قىزمەتتە بولدى. 2009-2015 جىلدارى «قازاقستاننىڭ يپوتەكالىق كرەديتتەرگە كەپٸلدٸك بەرۋ قورى» اق, «قازاگروقارجى» اق, «قازاگرو» ۇلتتىق باسقارۋشى حولدينگٸ» اق-دا تٶراعا ورىنباسارى, «اگرارلىق نەسيە كورپوراتسيياسى» اق-دا باسقارما تٶراعاسى مٸندەتٸن اتقاردى. وسى قىزمەتكە تاعايىندالعانعا دەيٸن «اگروفۋد بەرەكە» جشس ديرەكتورىنىڭ ورىنباسارى لاۋازىمىندا بولدى.
