Tanymal bloger Aeka Posh-tyń jańa kosmetikalyq qylqalamdar brendi uiymdastyrǵan páter utysy áleýmettik jelide qyzý talqyǵa túsken edi. Daýǵa utys sertifikatynyń túpnusqalyǵyna qatysty kúmán sebep bolǵan, dep habarlaidy ult.kz.
Áleýmettik jeli qoldanýshylarynyń biri ónim qorabynan páter utyp alǵanyn rastaityn sertifikat tapqanyn málimdegen. Alaida kóp uzamai qujatta mórdiń joq ekeni aitylyp, onyń shynaiylyǵyna qatysty suraqtar týyndaǵan. Bul jaǵdai jelide keńinen tarap, qyzý pikirtalasqa ulasty.
Keiin bloger jeńimpaz atanǵan qyzben jeke kezdesip, týyndaǵan máseleni talqylaǵan. Taraptar ortaq kelisimge kelgeni habarlandy.
Bloger óz kezeginde túsinispeýshilik úshin keshirim surap, aýqymdy utys oiyndaryn ótkizý kezinde túrli qatelikter bolýy múmkin ekenin moiyndaǵan.
Nátijesinde oqiǵa kútpegen sheshimmen aiaqtaldy. Páterdiń ornyna jeńimpazǵa kompaniia atynan jańa avtokólik syiǵa tartylatyn boldy.
Áleýmettik jeli qoldanýshylary bul oqiǵany áli de belsendi túrde talqylap jatyr. Keibiri taraptardyń mámilege kelgenin qoldasa, endi biri utys oiynynyń qalai uiymdastyrylǵanyna qatysty suraqtaryn qoiýdy jalǵastyrýda.
