تانىمال بلوگەر Aeka Posh-تىڭ جاڭا كوسمەتيكالىق قىلقالامدار برەندٸ ۇيىمداستىرعان پەتەر ۇتىسى ەلەۋمەتتٸك جەلٸدە قىزۋ تالقىعا تٷسكەن ەدٸ. داۋعا ۇتىس سەرتيفيكاتىنىڭ تٷپنۇسقالىعىنا قاتىستى كٷمەن سەبەپ بولعان, دەپ حابارلايدى ult.kz.
ەلەۋمەتتٸك جەلٸ قولدانۋشىلارىنىڭ بٸرٸ ٶنٸم قورابىنان پەتەر ۇتىپ العانىن راستايتىن سەرتيفيكات تاپقانىن مەلٸمدەگەن. الايدا كٶپ ۇزاماي قۇجاتتا مٶردٸڭ جوق ەكەنٸ ايتىلىپ, ونىڭ شىنايىلىعىنا قاتىستى سۇراقتار تۋىنداعان. بۇل جاعداي جەلٸدە كەڭٸنەن تاراپ, قىزۋ پٸكٸرتالاسقا ۇلاستى.
كەيٸن بلوگەر جەڭٸمپاز اتانعان قىزبەن جەكە كەزدەسٸپ, تۋىنداعان مەسەلەنٸ تالقىلاعان. تاراپتار ورتاق كەلٸسٸمگە كەلگەنٸ حابارلاندى.
بلوگەر ٶز كەزەگٸندە تٷسٸنٸسپەۋشٸلٸك ٷشٸن كەشٸرٸم سۇراپ, اۋقىمدى ۇتىس ويىندارىن ٶتكٸزۋ كەزٸندە تٷرلٸ قاتەلٸكتەر بولۋى مٷمكٸن ەكەنٸن مويىنداعان.
نەتيجەسٸندە وقيعا كٷتپەگەن شەشٸممەن اياقتالدى. پەتەردٸڭ ورنىنا جەڭٸمپازعا كومپانييا اتىنان جاڭا اۆتوكٶلٸك سىيعا تارتىلاتىن بولدى.
ەلەۋمەتتٸك جەلٸ قولدانۋشىلارى بۇل وقيعانى ەلٸ دە بەلسەندٸ تٷردە تالقىلاپ جاتىر. كەيبٸرٸ تاراپتاردىڭ مەمٸلەگە كەلگەنٸن قولداسا, ەندٸ بٸرٸ ۇتىس ويىنىنىڭ قالاي ۇيىمداستىرىلعانىنا قاتىستى سۇراقتارىن قويۋدى جالعاستىرۋدا.
