Ortalyq sailaý komissiiasynyń múshesi Anastasiia Shegortsova Parlament Májilisi men máslihattar sailaýy boiynsha úgit-nasihat jumystary búgin saǵat 18.00-de bastalatynyn málim etti, dep habarlaidy "Ult aqparat".
«Sailaý aldyndaǵy úgit búgin, saǵat 18.00-de bastalyp, 2021 jyly 9 qańtarǵa saǵat 00.00-ge deiin jalǵasady», - dedi Anastasiia Shegortsova Ortalyq sailaý komissiiasynyń otyrysynda.
Sondai-aq ol zań boiynsha sailaý aldyndaǵy úgit-nasihat jumystaryn júrgizýge kimderge tyiym salynǵanyn eske saldy.
«Atap aitqanda memlekettik organdarǵa, jergilikti ózin-ózi basqarý organdarǵa, sondai-aq qyzmettik mindetterin oryndaý kezinde olardyń laýazymdy adamdaryna úgit júrgizýge tyiym salynǵan. Sonymen qatar úgit jumystaryn Qarýly Kúshterdiń, basqa da áskerler men áskeri qurylymdardyń áskeri qyzmetshileri, ulttyq qaýipsizdik organdarynyń qyzmetkerleri men sýdialar júrgize almaidy. Bul sanatta sailaý komissiialarynyń músheleri, dini birlestikter, sheteldikter, azamattyǵy joq adamdar, sheteldik zańdy tulǵalar men halyqaralyq uiymdar bar», dedi Anastasiia Shegortsova.
