ورتالىق سايلاۋ كوميسسيياسىنىڭ مٷشەسٸ اناستاسييا ششەگورتسوۆا پارلامەنت مەجٸلٸسٸ مەن مەسليحاتتار سايلاۋى بويىنشا ٷگٸت-ناسيحات جۇمىستارى بٷگٸن ساعات 18.00-دە باستالاتىنىن مەلٸم ەتتٸ, دەپ حابارلايدى "ۇلت اقپارات".
«سايلاۋ الدىنداعى ٷگٸت بٷگٸن, ساعات 18.00-دە باستالىپ, 2021 جىلى 9 قاڭتارعا ساعات 00.00-گە دەيٸن جالعاسادى», - دەدٸ اناستاسييا ششەگورتسوۆا ورتالىق سايلاۋ كوميسسيياسىنىڭ وتىرىسىندا.
سونداي-اق ول زاڭ بويىنشا سايلاۋ الدىنداعى ٷگٸت-ناسيحات جۇمىستارىن جٷرگٸزۋگە كٸمدەرگە تىيىم سالىنعانىن ەسكە سالدى.
«اتاپ ايتقاندا مەملەكەتتٸك ورگاندارعا, جەرگٸلٸكتٸ ٶزٸن-ٶزٸ باسقارۋ ورگاندارعا, سونداي-اق قىزمەتتٸك مٸندەتتەرٸن ورىنداۋ كەزٸندە ولاردىڭ لاۋازىمدى ادامدارىنا ٷگٸت جٷرگٸزۋگە تىيىم سالىنعان. سونىمەن قاتار ٷگٸت جۇمىستارىن قارۋلى كٷشتەردٸڭ, باسقا دا ەسكەرلەر مەن ەسكەري قۇرىلىمداردىڭ ەسكەري قىزمەتشٸلەرٸ, ۇلتتىق قاۋٸپسٸزدٸك ورگاندارىنىڭ قىزمەتكەرلەرٸ مەن سۋديالار جٷرگٸزە المايدى. بۇل ساناتتا سايلاۋ كوميسسييالارىنىڭ مٷشەلەرٸ, دٸني بٸرلەستٸكتەر, شەتەلدٸكتەر, ازاماتتىعى جوق ادامدار, شەتەلدٸك زاڭدى تۇلعالار مەن حالىقارالىق ۇيىمدار بار», دەدٸ اناستاسييا ششەگورتسوۆا.
