QR Parlamenti «2021–2023 jyldarǵa arnalǵan respýblikalyq biýdjet týraly» Zańdy qabyldady, dep habarlaidy "Ult aqparat".
Búgin Parlament Májilisiniń jalpy otyrysynda depýtat Tatiana Iakovleva QR Parlamentiniń Senaty atalmysh qujatqa 39 túzetý engizgenin atap ótti. Túzetýler zań jobasynyń mátinine engiziletin ózgerister men tolyqtyrýlarǵa (3 túzetý) jáne respýblikalyq biýdjettiń shyǵys bóligine engizilgen ózgeristerge (36 túzetý) bailanysty.
«Senat engizgen túzetýler 2021 – 2023 jyldarǵa arnalǵan respýblikalyq biýdjettiń negizgi parametrlerin ózgertpeidi. Joǵaryda aitylǵandardy eskere otyryp, Qarjy jáne biýdjet komiteti «2021 – 2023 jyldarǵa arnalǵan respýblikalyq biýdjet týraly» zań jobasyna QR Parlamentiniń Senaty engizgen ózgeristermen jáne tolyqtyrýlarmen kelisýdi usynady», - dedi T. Iakovleva.
Májilis depýtatattary atalǵan tolyqtyralardy qoldady.
Eske sala keteiik, ótken aptada Parlament Senatynyń jalpy otyrysynda palata depýtattary «2021 – 2023 jyldarǵa arnalǵan respýblikalyq biýdjet týraly» zań jobasyn talqylady. Qujatqa tolyqtyrýlar engizilgendikten, zań jobasy Májiliske qaitaryldy.
Úsh jyldyq kezeńge 20 mlrd teńgege usynystar qoldaý tapty, onyń ishinde 2021 jylǵa - 15 mlrd teńge.
