قر پارلامەنتٸ «2021–2023 جىلدارعا ارنالعان رەسپۋبليكالىق بيۋدجەت تۋرالى» زاڭدى قابىلدادى, دەپ حابارلايدى "ۇلت اقپارات".
بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات تاتيانا ياكوۆلەۆا قر پارلامەنتٸنٸڭ سەناتى اتالمىش قۇجاتقا 39 تٷزەتۋ ەنگٸزگەنٸن اتاپ ٶتتٸ. تٷزەتۋلەر زاڭ جوباسىنىڭ مەتٸنٸنە ەنگٸزٸلەتٸن ٶزگەرٸستەر مەن تولىقتىرۋلارعا (3 تٷزەتۋ) جەنە رەسپۋبليكالىق بيۋدجەتتٸڭ شىعىس بٶلٸگٸنە ەنگٸزٸلگەن ٶزگەرٸستەرگە (36 تٷزەتۋ) بايلانىستى.
«سەنات ەنگٸزگەن تٷزەتۋلەر 2021 – 2023 جىلدارعا ارنالعان رەسپۋبليكالىق بيۋدجەتتٸڭ نەگٸزگٸ پارامەترلەرٸن ٶزگەرتپەيدٸ. جوعارىدا ايتىلعانداردى ەسكەرە وتىرىپ, قارجى جەنە بيۋدجەت كوميتەتٸ «2021 – 2023 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنا قر پارلامەنتٸنٸڭ سەناتى ەنگٸزگەن ٶزگەرٸستەرمەن جەنە تولىقتىرۋلارمەن كەلٸسۋدٸ ۇسىنادى», - دەدٸ ت. ياكوۆلەۆا.
مەجٸلٸس دەپۋتاتاتتارى اتالعان تولىقتىرالاردى قولدادى.
ەسكە سالا كەتەيٸك, ٶتكەن اپتادا پارلامەنت سەناتىنىڭ جالپى وتىرىسىندا پالاتا دەپۋتاتتارى «2021 – 2023 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تالقىلادى. قۇجاتقا تولىقتىرۋلار ەنگٸزٸلگەندٸكتەن, زاڭ جوباسى مەجٸلٸسكە قايتارىلدى.
ٷش جىلدىق كەزەڭگە 20 ملرد تەڭگەگە ۇسىنىستار قولداۋ تاپتى, ونىڭ ٸشٸندە 2021 جىلعا - 15 ملرد تەڭگە.
