Parijdegi Qudai-Ana ǵibadathanasynan shyqqan alapat órt sóndirildi, dep habarlaidy TASS agenttigi Le Figaro basylymyna silteme jasap.
«Órt sóndirildi. Qazir ǵimarattyń qyzyp turǵan qabyrǵalaryn salqyndatýǵa kúsh salyp jatyrmyz, órttiń qaita tutanbaitynyna kóz jetkizemiz», - delingen órt sóndirýshilerdiń habarlamasynda.
Órt sóndirýshilerge silteme jasaǵan Le Parisien gazetiniń jazýynsha, órt tek «ishinara sóndirilgen».
Esterińizge sala keteiik, 15 sáýirde Frantsiia astanasy Parijdegi Notr-Dam de Pari ǵibadathanasy órtke oranǵan edi. Jylyna 13-14 million adam kiretin tarihi ǵimarattyń tóbesi men munarasy órt bastalǵan birneshe saǵattan soń qulady. Japa shekkender týraly derek joq.
9 ǵasyr Frantsýz mádenieti men tarihynyń simvoly sanalyp kelgen shirkeýde órttiń neden shyqqany ázirge belgisiz. Órtti sóndirýge júzdegen órt sóndirýshi kúsh salǵan.
