Foto: 24.kz
Para berý isi boiynsha kúdikti Qazaqstan azamaty Rýstavi qalasynda ustalyp, Grýziiadan Qazaqstanǵa ekstraditsiialandy. Bul týraly Bas prokýratýra habarlady.
Tergeý málimetinshe, ol jeke kásipker bola otyryp, politsiia qyzmetkerine qylmystyq jaýapkershilikten jaltarý jáne ózine tiesili massaj salonynyń kedergisiz jumys isteýin qamtamasyz etý úshin aqsha bergen.
Qylmystan keiin kúdikti jasyrynyp, halyqaralyq izdeýge jariialanǵan. 2026 jyldyń naýryzynda ol shetelde ustalyp, Qazaqstan tarapynyń suraýy boiynsha elge qaitaryldy.
Qazir kúdikti tergeý izoliatoryna qamaldy. Atalǵan qylmys boiynsha oǵan múlkin tárkileý jáne 7 jylǵa deiin bas bostandyǵynan aiyrý jazasy taǵaiyndalýy múmkin.
