Eýropalyq komissiia prezidenti Ýrsýla fon der Liaien koronavirýs indeti kezeńinde Eýropalyq odaq aýqymynda erkin qozǵalys quqyǵyn saqtaý jónindegi usynystardy jariia etti, dep habarlaidy QazAqparat.
Eýropalyq komissiia basshysy Ýrsýla fon der Liaien búgin málimdeme jasap, onda Eýropalyq odaq indet ýaqytynda EO ishinde azamattardyń qozǵalysyn retteitin biryńǵai erejeniń maquldaǵanyn málimdedi. Atalǵan sharalar EO ishinde memlekettik shekaralardy kesip etý erejelerin birizdendirýge jáne eýropalyq shekaralardyń ashyqtyǵyn qamtamasyz etýge múmkindik beredi.
«Kóptegen eldiń úkimeti sońǵy ailarda sapar jasaýǵa shekteý engizip otyr. Bul olardyń bir-birinen aiyrmashylyǵy bar birqatar derbes shara qabyldaýyna túrtki boldy. Búkil Eýropalyq odaqta ártúrli túster kody, túrli kriteriiler men testileýdiń jáne karantinniń alýan erejesi bar. Sizdiń qaida saiahat jasai alatyndyǵyńyzdy, sol jerge jetken kezde qandai erejelerdi saqtaýyńyz qajettigi jáne úiińizge oralǵan ýaqytta qandai erejeniń qoldanylatyndyǵy túsiný qiyndyq týdyrdy», - dedi Ýrsýla fon der Liaien.
Onyń atap ótýinshe, Eýropalyq odaqqa kiretin elder bul sharalardy birlese otyryp kelisýi tiis.
«Biz eýropalyqtardyń ómirin jeńildetý úshin bul sharalardy kelisýge tiispiz. Ereje aiqyn bolǵan saiyn azamattar da qiyndyqtardy erkin eńsere alady. Sondyqtan taiaýda Eýropalyq komissiia usynys engizgen bolatyn. Ony ulttyq úkimetter qabyldaǵannan keiin, adamdardyń ómirine aiqyndyq enedi. Bizdiń usynysymyzda jalpy kriteriilerge negizdelgen ortaq túster kody bolady. Ol táýekel deńgeiine bailanysty Eýropalyq odaqtyń barlyq óńirin aiqyndaidy. Qyzyl, qyzǵylt sary, jasyl - bul túster búkil Eýropalyq odaq úshin bir kartada kórinis tabady. Ár azamat onlain túrde Reopen EU saitymyzdan teksere alady», - dedi Eýropalyq kommissiia basshysy.
Endigi ýaqytta Eýropalyq odaq azamattary «jasyl» óńirden kele jatsa, onda oǵan eshqandai shekteý bolmaidy. Al «qyzǵylt sary» nemese «qyzyl» óńirden kelgen saiahatshyǵa ulttyq úkimet testileýden ótýdi nemese karantinge oqshaýlanýdy ótine alady. Buǵan qosa, EO-ǵa qatysýshy elderdiń úkimetteri mundai sharalardy engizbes buryn naqty ári ýaqytyly aqparatty usynýǵa tiis.
«Osynaý jańa júie azamattardyń ómirin jeńildete túsedi. biz birlese otyryp ortaq sheshim tapqanymyzǵa qýanyshtymyn», - dedi Ýrsýla fon der Liaien.
