ەۋروپالىق كوميسسييا پرەزيدەنتٸ ۋرسۋلا فون دەر ليايەن كوروناۆيرۋس ٸندەتٸ كەزەڭٸندە ەۋروپالىق وداق اۋقىمىندا ەركٸن قوزعالىس قۇقىعىن ساقتاۋ جٶنٸندەگٸ ۇسىنىستاردى جارييا ەتتٸ, دەپ حابارلايدى قازاقپارات.
ەۋروپالىق كوميسسييا باسشىسى ۋرسۋلا فون دەر ليايەن بٷگٸن مەلٸمدەمە جاساپ, وندا ەۋروپالىق وداق ٸندەت ۋاقىتىندا ەو ٸشٸندە ازاماتتاردىڭ قوزعالىسىن رەتتەيتٸن بٸرىڭعاي ەرەجەنٸڭ ماقۇلداعانىن مەلٸمدەدٸ. اتالعان شارالار ەو ٸشٸندە مەملەكەتتٸك شەكارالاردى كەسٸپ ەتۋ ەرەجەلەرٸن بٸرٸزدەندٸرۋگە جەنە ەۋروپالىق شەكارالاردىڭ اشىقتىعىن قامتاماسىز ەتۋگە مٷمكٸندٸك بەرەدٸ.
«كٶپتەگەن ەلدٸڭ ٷكٸمەتٸ سوڭعى ايلاردا ساپار جاساۋعا شەكتەۋ ەنگٸزٸپ وتىر. بۇل ولاردىڭ بٸر-بٸرٸنەن ايىرماشىلىعى بار بٸرقاتار دەربەس شارا قابىلداۋىنا تٷرتكٸ بولدى. بٷكٸل ەۋروپالىق وداقتا ەرتٷرلٸ تٷستەر كودى, تٷرلٸ كريتەرييلەر مەن تەستٸلەۋدٸڭ جەنە كارانتيننٸڭ الۋان ەرەجەسٸ بار. سٸزدٸڭ قايدا ساياحات جاساي الاتىندىعىڭىزدى, سول جەرگە جەتكەن كەزدە قانداي ەرەجەلەردٸ ساقتاۋىڭىز قاجەتتٸگٸ جەنە ٷيٸڭٸزگە ورالعان ۋاقىتتا قانداي ەرەجەنٸڭ قولدانىلاتىندىعى تٷسٸنۋ قيىندىق تۋدىردى», - دەدٸ ۋرسۋلا فون دەر ليايەن.
ونىڭ اتاپ ٶتۋٸنشە, ەۋروپالىق وداققا كٸرەتٸن ەلدەر بۇل شارالاردى بٸرلەسە وتىرىپ كەلٸسۋٸ تيٸس.
«بٸز ەۋروپالىقتاردىڭ ٶمٸرٸن جەڭٸلدەتۋ ٷشٸن بۇل شارالاردى كەلٸسۋگە تيٸسپٸز. ەرەجە ايقىن بولعان سايىن ازاماتتار دا قيىندىقتاردى ەركٸن ەڭسەرە الادى. سوندىقتان تاياۋدا ەۋروپالىق كوميسسييا ۇسىنىس ەنگٸزگەن بولاتىن. ونى ۇلتتىق ٷكٸمەتتەر قابىلداعاننان كەيٸن, ادامداردىڭ ٶمٸرٸنە ايقىندىق ەنەدٸ. بٸزدٸڭ ۇسىنىسىمىزدا جالپى كريتەرييلەرگە نەگٸزدەلگەن ورتاق تٷستەر كودى بولادى. ول تەۋەكەل دەڭگەيٸنە بايلانىستى ەۋروپالىق وداقتىڭ بارلىق ٶڭٸرٸن ايقىندايدى. قىزىل, قىزعىلت سارى, جاسىل - بۇل تٷستەر بٷكٸل ەۋروپالىق وداق ٷشٸن بٸر كارتادا كٶرٸنٸس تابادى. ەر ازامات ونلاين تٷردە Reopen EU سايتىمىزدان تەكسەرە الادى», - دەدٸ ەۋروپالىق كومميسسييا باسشىسى.
ەندٸگٸ ۋاقىتتا ەۋروپالىق وداق ازاماتتارى «جاسىل» ٶڭٸردەن كەلە جاتسا, وندا وعان ەشقانداي شەكتەۋ بولمايدى. ال «قىزعىلت سارى» نەمەسە «قىزىل» ٶڭٸردەن كەلگەن ساياحاتشىعا ۇلتتىق ٷكٸمەت تەستٸلەۋدەن ٶتۋدٸ نەمەسە كارانتينگە وقشاۋلانۋدى ٶتٸنە الادى. بۇعان قوسا, ەو-عا قاتىسۋشى ەلدەردٸڭ ٷكٸمەتتەرٸ مۇنداي شارالاردى ەنگٸزبەس بۇرىن ناقتى ەرٸ ۋاقىتىلى اقپاراتتى ۇسىنۋعا تيٸس.
«وسىناۋ جاڭا جٷيە ازاماتتاردىڭ ٶمٸرٸن جەڭٸلدەتە تٷسەدٸ. بٸز بٸرلەسە وتىرىپ ورتاق شەشٸم تاپقانىمىزعا قۋانىشتىمىن», - دەدٸ ۋرسۋلا فون دەر ليايەن.
