Islamabadtaǵy arnaiy sot alqasy Pákistannyń burynǵy prezidenti Pervez Mýsharrafty memleketke opasyzdyq jasady degen aiyppen ólim jazasyna kesti, dep habarlaidy BBC agenttigi.
Sottalýshy qazir Dýbai qalasynda. 2013 jyly qozǵalǵan qylmystyq is boiynsha úkimdi úsh sýdiadan turatyn alqalar shyǵardy, olardyń ekeýi ólim jazasyn qoldaýǵa daýys berdi.
General Pervez Mýsharraf 1999 jyly áskeri tóńkeris nátijesinde bilikke kelgen bolatyn. Al 2001-2008 jyldar aralyǵynda prezident qyzmetin atqardy.
76 jastaǵy Mýsharraf qazir Dýbaida, oǵan 2016 jyly Pákistannan ketip, emdelýge ruqsat etilgen.
2007 jyly óziniń bilikte bolý merzimin uzartyp, erekshe jaǵdai engizip, konstitýtsiiany toqtata turýyna qatysty Mýsharrafqa aiyp taǵylǵan bolatyn.
Úkimge shaǵymdanýǵa bolady. Eske sala keteiik, jeltoqsan aiynda eks-prezident aýrýhana tóseginde jazylǵan beinejazbany jariialap, oǵan qatysty qylmystyq isti negizsiz dep ataǵan.
Mýsharraf - konstitýtsiiany buzdy degen aiyppen sot aldyna kelgen alǵashqy memleket basshysy.
