يسلامابادتاعى ارنايى سوت القاسى پەكٸستاننىڭ بۇرىنعى پرەزيدەنتٸ پەرۆەز مۋشاررافتى مەملەكەتكە وپاسىزدىق جاسادى دەگەن ايىپپەن ٶلٸم جازاسىنا كەستٸ, دەپ حابارلايدى BBC اگەنتتٸگٸ.
سوتتالۋشى قازٸر دۋباي قالاسىندا. 2013 جىلى قوزعالعان قىلمىستىق ٸس بويىنشا ٷكٸمدٸ ٷش سۋديادان تۇراتىن القالار شىعاردى, ولاردىڭ ەكەۋٸ ٶلٸم جازاسىن قولداۋعا داۋىس بەردٸ.
گەنەرال پەرۆەز مۋشارراف 1999 جىلى ەسكەري تٶڭكەرٸس نەتيجەسٸندە بيلٸككە كەلگەن بولاتىن. ال 2001-2008 جىلدار ارالىعىندا پرەزيدەنت قىزمەتٸن اتقاردى.
76 جاستاعى مۋشارراف قازٸر دۋبايدا, وعان 2016 جىلى پەكٸستاننان كەتٸپ, ەمدەلۋگە رۇقسات ەتٸلگەن.
2007 جىلى ٶزٸنٸڭ بيلٸكتە بولۋ مەرزٸمٸن ۇزارتىپ, ەرەكشە جاعداي ەنگٸزٸپ, كونستيتۋتسييانى توقتاتا تۇرۋىنا قاتىستى مۋشاررافقا ايىپ تاعىلعان بولاتىن.
ٷكٸمگە شاعىمدانۋعا بولادى. ەسكە سالا كەتەيٸك, جەلتوقسان ايىندا ەكس-پرەزيدەنت اۋرۋحانا تٶسەگٸندە جازىلعان بەينەجازبانى جارييالاپ, وعان قاتىستى قىلمىستىق ٸستٸ نەگٸزسٸز دەپ اتاعان.
مۋشارراف - كونستيتۋتسييانى بۇزدى دەگەن ايىپپەن سوت الدىنا كەلگەن العاشقى مەملەكەت باسشىسى.
