Ánshi, teatr jáne kino ártisi, QR eńbek sińirgen qairatkeri Aigúl Imanbaeva Qazaqstan halqyn karantin talaptaryn qatań saqtaýǵa shaqyrdy, dep habarlaidy QazAqparat.
«Bul tek bizdiń elge ǵana emes, barsha álemge qaýip tóndirgen indet. Sondyqtan karantindik sharalardy saqtaýda beiqamdyq tanytpaýymyz qajet. Koronavirýs infektsiiasynyń bar ekenine kúmánmen qaraǵan azamattar jaǵdaidy sanaly saraptap, qoǵamǵa jaýapkershilikpen qaraý kerek dep oilaimyn. Bul jerde elimizdiń, ultymyzdyń saýlyǵy degen - úlken másele tur. Ózimshildik kózqarastan arylyp, ózgelerdiń ómirine jaýapkershilikpen qaraiyq!», - deidi ol.
Sondai-aq, kino jáne teatr ártisi qazirgi tańda immýnitetti kóteretin dárýmender iship, únemi betperde taǵyp, áleýmettik araqashyqtyqty saqtaý mańyzdy ekenin basa aitty.
«Taiaýda qys túsedi. Sondyqtan jyly kiinip, dárigerler aitqan keńesterge qulaq túrgenimiz abzal. Osyndai qiyn kezeńde bir-birimizge qol ushyn berip, jaqyndarymyzǵa janashyrlyq tanytsaq, indettiń aldyn-alyp, onyń taralýyn tómendete alamyz dep senemin», - dedi QR eńbek sińirgen qairatkeri.
Sonymen qatar, Aigúl Imanbaeva koronavirýs infektsiiasymen kúres jolynda eńbek etip júrgen dárigerlerge alǵysyn jetkizdi.
