ەنشٸ, تەاتر جەنە كينو ەرتٸسٸ, قر ەڭبەك سٸڭٸرگەن قايراتكەرٸ ايگٷل يمانباەۆا قازاقستان حالقىن كارانتين تالاپتارىن قاتاڭ ساقتاۋعا شاقىردى, دەپ حابارلايدى قازاقپارات.
«بۇل تەك بٸزدٸڭ ەلگە عانا ەمەس, بارشا ەلەمگە قاۋٸپ تٶندٸرگەن ٸندەت. سوندىقتان كارانتيندٸك شارالاردى ساقتاۋدا بەيقامدىق تانىتپاۋىمىز قاجەت. كوروناۆيرۋس ينفەكتسيياسىنىڭ بار ەكەنٸنە كٷمەنمەن قاراعان ازاماتتار جاعدايدى سانالى ساراپتاپ, قوعامعا جاۋاپكەرشٸلٸكپەن قاراۋ كەرەك دەپ ويلايمىن. بۇل جەردە ەلٸمٸزدٸڭ, ۇلتىمىزدىڭ ساۋلىعى دەگەن - ٷلكەن مەسەلە تۇر. ٶزٸمشٸلدٸك كٶزقاراستان ارىلىپ, ٶزگەلەردٸڭ ٶمٸرٸنە جاۋاپكەرشٸلٸكپەن قارايىق!», - دەيدٸ ول.
سونداي-اق, كينو جەنە تەاتر ەرتٸسٸ قازٸرگٸ تاڭدا يممۋنيتەتتٸ كٶتەرەتٸن دەرۋمەندەر ٸشٸپ, ٷنەمٸ بەتپەردە تاعىپ, ەلەۋمەتتٸك اراقاشىقتىقتى ساقتاۋ ماڭىزدى ەكەنٸن باسا ايتتى.
«تاياۋدا قىس تٷسەدٸ. سوندىقتان جىلى كيٸنٸپ, دەرٸگەرلەر ايتقان كەڭەستەرگە قۇلاق تٷرگەنٸمٸز ابزال. وسىنداي قيىن كەزەڭدە بٸر-بٸرٸمٸزگە قول ۇشىن بەرٸپ, جاقىندارىمىزعا جاناشىرلىق تانىتساق, ٸندەتتٸڭ الدىن-الىپ, ونىڭ تارالۋىن تٶمەندەتە الامىز دەپ سەنەمٸن», - دەدٸ قر ەڭبەك سٸڭٸرگەن قايراتكەرٸ.
سونىمەن قاتار, ايگٷل يمانباەۆا كوروناۆيرۋس ينفەكتسيياسىمەن كٷرەس جولىندا ەڭبەك ەتٸپ جٷرگەن دەرٸگەرلەرگە العىسىن جەتكٸزدٸ.
