Bir apta buryn vatsap áleýmettik jelisinde Bersiev okrýginen tabylǵan eski qumyra sýreti jariialanady. Sýretke sáikes surastyrý jumystary júrgizilgen kezde kezdeisoq tabylǵan olja bolyp shyǵady. Bul oljanyń tabylǵan jeri - erte dáýirlerde adamdar turaqtaǵan "Qazdyaral" turaǵy.
Tabylǵan qumyrany qarastyryp, zertteýge alyp ketý maqsatynda barlaý jumysy Aqtóbe oblystyq tarihi-ólketaný mýzeiiniń arheolog mamany Aslan Mamedovtiń kómegimen uiymdastyrylady. Barlaý jumysy barysynda kezdeisoq tabylǵan qumyra basqa jerge qaita kómilgendigi anyqtalady. Kómilgen jerde izdestirý júrgizý barysynda erte kezeńdegi qaýymnyń jerlengendigi anyq baiqaldy.
Arheolog Aslan Mamedovtiń metodikalyq kómegimen kelesi kúni ekspediia quramy jasaqtalyp, "Qazdyaral" turaǵyna qazba jumystary júrgiziledi. Negizgi qabiri saqtalǵan 3 jerdiń orny ashylady. Eki qaita kómilgen súiekteri bar shuńqyrlar qazyldy. Nátijesinde erte qola dáýiri men ora ǵasyr kezeńine jatatyn arheologiialyq jádigerler ashylyp, sýretteldi.
Ǵylymi jaǵynan tabylǵan zattardyń mańyzdylyǵy joǵary. Tereń zertteýdi qajet etedi. Osy arheologiialyq qazba jumystarynyń uiymdastyrylýyna atsalysqandar - arheolog Aslan Málikuly, oiyldyq jas ǵylym janashyrlary Myrzaǵaliev Beket pen Dáýlet Tapashev pen Oiyl aýdandyq mýzeiiniń qyzmetkeri Qulmuhanov Medet.
Joǵaryda atalǵan jaǵdailardan keiin Shyǵanaq Bersiev mýzeii óziniń alǵashqy, ǵylymi turǵydaǵy arheologiialyq qazba jumysyn uiymdastyrdy.
