Foto: Videodan skrinshot/inform.kz
Túrkistan oblysynda shibóri aýyl ishine kirip, adamdarǵa shabýyldaǵan. Oqiǵa saǵat 17:00 shamasynda bolǵan, dep habarlaidy Ult.kz "Qazaqparatqa" silteme jasap.
Turǵyndardyń aitýynsha, jyrtqysh kóshede oinap júrgen 2 balaǵa tap bergen. Saldarynan 15 jastaǵy jasóspirim men 4 jasar qyz zardap shekti.
Kómekke kelgen aýyl turǵyny Talǵat Myńbaev shibórini uryp óltirgen. Alaida balalardy arashalamaq bolǵan kezde jyrtqysh oǵan da shabýyldap, jaraqattaǵan. Oqiǵadan keiin olar dereý Otyrar aýdandyq ortalyq aýrýhanasynyń qabyldaý bólimine jetkizildi.
Oblys ákimdiginiń habarlaýynsha, veterinariialyq qyzmet mamandary shibóriden qutyrý aýrýyna kúdikti patologiialyq material alyp, aýdandyq zerthanaǵa joldady.
– Zardap shekkenderge qutyrýǵa qarsy profilaktikalyq ekpe salyndy. Qazirgi tańda olardyń jaǵdaiy turaqty, dárigerlerdiń baqylaýynda. Bir adam aýrýhanada em qabyldap jatyr, – delingen habarlamada.
Infektsiianyń taralýynyń aldyn alý maqsatynda shibóri anyqtalǵan aýmaq pen zardap shekken turǵyndardyń aýlalary zalalsyzdandyryldy.
Jaǵdai tiisti qyzmetterdiń baqylaýyna alynǵan.
