Qazirgi ýaqytta aýa raiy nasharlaýyna bailanysty (boran, nashar kóriný) avtojoldardyń 21 ýchaskesinde, onyń ishinde 11 respýblikalyq (Nur-Sultan qalasy, Aqmola, Shyǵys Qazaqstan, Qaraǵandy, Qostanai jáne Pavlodar oblystary) jáne 10 oblystyq mańyzy bar avtojol ýchaskelerinde (Aqmola, Almaty, Qostanai oblystary) jol jabyldy, dep habarlaidy QazAqparat QR TJM baspasóz qyzmetine silteme jasap.
Ótken táýlikte Nur-Sultan qalasynda, Aqmola, Aqtóbe, Pavlodar, Qaraǵandy, Qostanai oblystarynda qar qursaýynan 687 adam, onyń ishinde 114 bala qutqaryldy jáne evakýatsiialandy. Nur-Sultan qalasynda, Aqtóbe jáne Qaraǵandy oblystarynda 36 birlik tehnika men 1 avtobýs qar qursaýynan súirep shyǵaryldy. Avariialyq-qutqarý jumystaryna barlyǵy TJM, IIM, JAO, jol qyzmetteriniń 578 adam men 373 tehnikasy jumyldyryldy.
Máselen, 23 naýryzda saǵat 13.00-20.00 aralyǵynda Aqmola oblysynyń úsh aýdanynda Nur-Sultan qalasy TJD qutqarýshylary qar qursaýynan 80 adamdy, onyń ishinde 22 balany qutqaryp, jaqyn jerdegi eldi mekenge jetkizdi. Qutqarylǵandar meditsinalyq kómekti qajet etpedi. Avariialyq-qutqarý jumystaryna Nur-Sultan qalasy TJD 15 qutqarýshysy men 3 birlik tehnikasy jumyldyryldy.
Saǵat 14.00-22.30 aralyǵynda Aqmola oblysynyń tórt aýdanynda TJD qutqarýshylary qar qursaýynan 99 adamdy, onyń ishinde 22 balany qutuqaryp, jaqyn jerdegi eldi mekenge jetkizdi. Qutqarylǵandar meditsinalyq kómekti qajet etpedi. Avariialyq-qutqarý jumystaryna Aqmola oblysy TJD 18 qutqarýshysy men 5 tehnikasy, jergilikti atqarýshy organnyń 3 qyzmetkeri men 3 tehnikasy tartyldy.
Saǵat 21.40-23.00 aralaǵynda Áiteke bi aýdanynda Aqtóbe oblysy TJD qutqarýshylary qar qursaýynan 10 jeńil avtomobildi avtojoldyń tazartylǵan ýchaskesine súirep shyǵardy. Avtokólikte 32 adam, onyń ishinde 3 bala bolǵan. Olarǵa meditsinalyq kómek qajet bolmady. Avariialyq-qutqarý jumystaryna TJD 4 qutqarýshysy men 2 tehnikasy, jergilikti atqarýshy organnyń 1 qyzmetkeri men 1 tehnikasy jumyldyryldy.
Saǵat 10.00-22.30 aralyǵynda TJD qutqarýshylary Qaraǵandy oblysynyń bes aýdanynda 33 adamdy, onyń ishinde 6 balany qutqardy. 50 adamdy, onyń ishinde 4 balany jaqyn jerdegi eldi mekenge evakýatsiialady. Olarǵa meditsinalyq kómek qajet bolmady. Avariialyq-qutqarý jumystaryna TJD 16 qutqarýshysy men 10 tehnikasy, jergilikti politsiia qyzmetiniń 54 qyzmetkeri men 27 tehnikasy, jergilikti atqarýshy organnyń 78 qyzmetkeri men 50 tehnikasy tartyldy.
Saǵat 13.30-23.45 aralyǵynda Qostanai oblysynyń úsh aýdanynda TJD qutqarýshylary uar qursaýynan 70 adamdy, onyń ishinde 19 balany qutqaryp, jaqyn jerdegi eldi mekenge jetkizdi. Qutqarylǵandar meditsinalyq kómekti qajet etpedi. Avariialyq-qutqarý jumystaryna Qostanai oblysy TJD 8 qutqarýshysy men 3 tehnikasy, jergilikti atqarýshy organnyń 1 qyzmetkeri men 1 tehnikasy jumyldyryldy.
Halyqqa aldyn ala eskertý maqsatynda aýa raiynyń nasharlaityny týraly 118 SMS-habarlama jáne «Dármen» mobildi qosymshasy arqyly 48 habarlama taratyldy.
TJM azamattarǵa aýa raiy boljamymen tanysyp, asa qajet bolmasa eldi mekennen shyqpaýǵa keńes beredi. Aýa raiy nasharlap, jolda qalyp qoisańyz 112 qutqarý qyzmetiniń biryńǵai telefon nómirine habarlasýǵa bolady.
