قازٸرگٸ ۋاقىتتا اۋا رايى ناشارلاۋىنا بايلانىستى (بوران, ناشار كٶرٸنۋ) اۆتوجولداردىڭ 21 ۋچاسكەسٸندە, ونىڭ ٸشٸندە 11 رەسپۋبليكالىق (نۇر-سۇلتان قالاسى, اقمولا, شىعىس قازاقستان, قاراعاندى, قوستاناي جەنە پاۆلودار وبلىستارى) جەنە 10 وبلىستىق ماڭىزى بار اۆتوجول ۋچاسكەلەرٸندە (اقمولا, الماتى, قوستاناي وبلىستارى) جول جابىلدى, دەپ حابارلايدى قازاقپارات قر تجم باسپاسٶز قىزمەتٸنە سٸلتەمە جاساپ.
ٶتكەن تەۋلٸكتە نۇر-سۇلتان قالاسىندا, اقمولا, اقتٶبە, پاۆلودار, قاراعاندى, قوستاناي وبلىستارىندا قار قۇرساۋىنان 687 ادام, ونىڭ ٸشٸندە 114 بالا قۇتقارىلدى جەنە ەۆاكۋاتسييالاندى. نۇر-سۇلتان قالاسىندا, اقتٶبە جەنە قاراعاندى وبلىستارىندا 36 بٸرلٸك تەحنيكا مەن 1 اۆتوبۋس قار قۇرساۋىنان سٷيرەپ شىعارىلدى. اۆارييالىق-قۇتقارۋ جۇمىستارىنا بارلىعى تجم, ٸٸم, جاو, جول قىزمەتتەرٸنٸڭ 578 ادام مەن 373 تەحنيكاسى جۇمىلدىرىلدى.
مەسەلەن, 23 ناۋرىزدا ساعات 13.00-20.00 ارالىعىندا اقمولا وبلىسىنىڭ ٷش اۋدانىندا نۇر-سۇلتان قالاسى تجد قۇتقارۋشىلارى قار قۇرساۋىنان 80 ادامدى, ونىڭ ٸشٸندە 22 بالانى قۇتقارىپ, جاقىن جەردەگٸ ەلدٸ مەكەنگە جەتكٸزدٸ. قۇتقارىلعاندار مەديتسينالىق كٶمەكتٸ قاجەت ەتپەدٸ. اۆارييالىق-قۇتقارۋ جۇمىستارىنا نۇر-سۇلتان قالاسى تجد 15 قۇتقارۋشىسى مەن 3 بٸرلٸك تەحنيكاسى جۇمىلدىرىلدى.
ساعات 14.00-22.30 ارالىعىندا اقمولا وبلىسىنىڭ تٶرت اۋدانىندا تجد قۇتقارۋشىلارى قار قۇرساۋىنان 99 ادامدى, ونىڭ ٸشٸندە 22 بالانى قۇتۇقارىپ, جاقىن جەردەگٸ ەلدٸ مەكەنگە جەتكٸزدٸ. قۇتقارىلعاندار مەديتسينالىق كٶمەكتٸ قاجەت ەتپەدٸ. اۆارييالىق-قۇتقارۋ جۇمىستارىنا اقمولا وبلىسى تجد 18 قۇتقارۋشىسى مەن 5 تەحنيكاسى, جەرگٸلٸكتٸ اتقارۋشى ورگاننىڭ 3 قىزمەتكەرٸ مەن 3 تەحنيكاسى تارتىلدى.
ساعات 21.40-23.00 ارالاعىندا ەيتەكە بي اۋدانىندا اقتٶبە وبلىسى تجد قۇتقارۋشىلارى قار قۇرساۋىنان 10 جەڭٸل اۆتوموبيلدٸ اۆتوجولدىڭ تازارتىلعان ۋچاسكەسٸنە سٷيرەپ شىعاردى. اۆتوكٶلٸكتە 32 ادام, ونىڭ ٸشٸندە 3 بالا بولعان. ولارعا مەديتسينالىق كٶمەك قاجەت بولمادى. اۆارييالىق-قۇتقارۋ جۇمىستارىنا تجد 4 قۇتقارۋشىسى مەن 2 تەحنيكاسى, جەرگٸلٸكتٸ اتقارۋشى ورگاننىڭ 1 قىزمەتكەرٸ مەن 1 تەحنيكاسى جۇمىلدىرىلدى.
ساعات 10.00-22.30 ارالىعىندا تجد قۇتقارۋشىلارى قاراعاندى وبلىسىنىڭ بەس اۋدانىندا 33 ادامدى, ونىڭ ٸشٸندە 6 بالانى قۇتقاردى. 50 ادامدى, ونىڭ ٸشٸندە 4 بالانى جاقىن جەردەگٸ ەلدٸ مەكەنگە ەۆاكۋاتسييالادى. ولارعا مەديتسينالىق كٶمەك قاجەت بولمادى. اۆارييالىق-قۇتقارۋ جۇمىستارىنا تجد 16 قۇتقارۋشىسى مەن 10 تەحنيكاسى, جەرگٸلٸكتٸ پوليتسييا قىزمەتٸنٸڭ 54 قىزمەتكەرٸ مەن 27 تەحنيكاسى, جەرگٸلٸكتٸ اتقارۋشى ورگاننىڭ 78 قىزمەتكەرٸ مەن 50 تەحنيكاسى تارتىلدى.
ساعات 13.30-23.45 ارالىعىندا قوستاناي وبلىسىنىڭ ٷش اۋدانىندا تجد قۇتقارۋشىلارى ۇار قۇرساۋىنان 70 ادامدى, ونىڭ ٸشٸندە 19 بالانى قۇتقارىپ, جاقىن جەردەگٸ ەلدٸ مەكەنگە جەتكٸزدٸ. قۇتقارىلعاندار مەديتسينالىق كٶمەكتٸ قاجەت ەتپەدٸ. اۆارييالىق-قۇتقارۋ جۇمىستارىنا قوستاناي وبلىسى تجد 8 قۇتقارۋشىسى مەن 3 تەحنيكاسى, جەرگٸلٸكتٸ اتقارۋشى ورگاننىڭ 1 قىزمەتكەرٸ مەن 1 تەحنيكاسى جۇمىلدىرىلدى.
حالىققا الدىن الا ەسكەرتۋ ماقساتىندا اۋا رايىنىڭ ناشارلايتىنى تۋرالى 118 سمس-حابارلاما جەنە «دەرمەن» موبيلدٸ قوسىمشاسى ارقىلى 48 حابارلاما تاراتىلدى.
تجم ازاماتتارعا اۋا رايى بولجامىمەن تانىسىپ, اسا قاجەت بولماسا ەلدٸ مەكەننەن شىقپاۋعا كەڭەس بەرەدٸ. اۋا رايى ناشارلاپ, جولدا قالىپ قويساڭىز 112 قۇتقارۋ قىزمەتٸنٸڭ بٸرىڭعاي تەلەفون نٶمٸرٸنە حابارلاسۋعا بولادى.
