Atyraýda kámeletke tolmaǵan kezinde 17 jastaǵy qyzdy jynystyq qatynasqa májbúrledi degen er adamǵa qatysty qylmystyq istiń toqtatylýyna bailanysty daý týyndady, dep habarlaidy ult.kz.
Jábirlenýshiniń aitýynsha, er adam ony jynystyq qatynasqa májbúrlegen. Keiin qyz júkti ekenin bilgen. Osydan soń er adam oǵan úilenýdi usynǵan. Alaida ol kezde azamattyń zańdy áieli jáne alty balasy bolǵan.
Qyzdyń sózinshe, keiin er adam oǵan kúsh qoldana bastaǵan. Osy jaǵdailardyń birinen keiin ol politsiiaǵa aryzdanǵan. Alaida er adamnyń áieli keshirim suraǵan soń aryzyn qaitaryp alǵan.
Jábirlenýshi quqyq qorǵaý organdaryna jynystyq sipattaǵy zorlyq-zombylyqqa qatysty birneshe ret júgingenin aitady. Onyń sózinshe, sońǵy ret tamyz aiynda aryz jazǵan. Keiin qylmystyq istiń toqtatylǵanyn bilgen.
Qazir jábirlenýshi 18 jasta. Ol bolǵan jaǵdaidy uzaq ýaqyt boiy otbasy múshelerinen jasyrǵanyn aitady. Keiin quqyq qorǵaýshydan kómek suraǵan.
