اتىراۋدا كەمەلەتكە تولماعان كەزٸندە 17 جاستاعى قىزدى جىنىستىق قاتىناسقا مەجبٷرلەدٸ دەگەن ەر ادامعا قاتىستى قىلمىستىق ٸستٸڭ توقتاتىلۋىنا بايلانىستى داۋ تۋىندادى, دەپ حابارلايدى ult.kz.
جەبٸرلەنۋشٸنٸڭ ايتۋىنشا, ەر ادام ونى جىنىستىق قاتىناسقا مەجبٷرلەگەن. كەيٸن قىز جٷكتٸ ەكەنٸن بٸلگەن. وسىدان سوڭ ەر ادام وعان ٷيلەنۋدٸ ۇسىنعان. الايدا ول كەزدە ازاماتتىڭ زاڭدى ەيەلٸ جەنە التى بالاسى بولعان.
قىزدىڭ سٶزٸنشە, كەيٸن ەر ادام وعان كٷش قولدانا باستاعان. وسى جاعدايلاردىڭ بٸرٸنەن كەيٸن ول پوليتسيياعا ارىزدانعان. الايدا ەر ادامنىڭ ەيەلٸ كەشٸرٸم سۇراعان سوڭ ارىزىن قايتارىپ العان.
جەبٸرلەنۋشٸ قۇقىق قورعاۋ ورگاندارىنا جىنىستىق سيپاتتاعى زورلىق-زومبىلىققا قاتىستى بٸرنەشە رەت جٷگٸنگەنٸن ايتادى. ونىڭ سٶزٸنشە, سوڭعى رەت تامىز ايىندا ارىز جازعان. كەيٸن قىلمىستىق ٸستٸڭ توقتاتىلعانىن بٸلگەن.
قازٸر جەبٸرلەنۋشٸ 18 جاستا. ول بولعان جاعدايدى ۇزاق ۋاقىت بويى وتباسى مٷشەلەرٸنەن جاسىرعانىن ايتادى. كەيٸن قۇقىق قورعاۋشىدان كٶمەك سۇراعان.
