«Otbasy banki» AQ basqarma tóraǵasy Lázzat Ibragimova zeinetaqynyń bir bóligin alýǵa ótinim qabyldaityn saittyń atyn jariia etti, dep habarlaidy «Ult aqparat».
«Saittyń atyn alǵash ret jariia eteiin. Ol - enpf-otbasy.kz. Bul – BJZQ-men bizdiń birlese atqarǵan asa aýqymdy jumysymyz. 2020 jyldan beri osy aýqymdy jumysty birlese atqaryp kelemiz. Sol sebepti saittyń ataýynda eki organnyń da atyn engizýdi jón dep sheshtik. Qazir oǵan kirseńiz, servistiń 23 qańtardan saǵat 09.00-de jumysty bastaityny jazylyp tur. Servis tolyǵymen daiyn. Keshe redaktsiialyq ózgeristi engizdik», - dedi Lázzat Ibragimova Ortalyq kommýnikatsiialar qyzmetiniń alańynda ótken baspasóz máslihatynda.
Eske sala ketsek, buǵan deiin qurylys jəne turǵyn úi-kommýnaldyq sharýashylyq isteri komiteti tóraǵasynyń orynbasary Erkebulan Daýylbaev azamattar zeinetaqy jinaǵynyń bir bóligin qandai jaǵdaida paidalana alatynyn túsindirgen bolatyn.
