«وتباسى بانكٸ» اق باسقارما تٶراعاسى لەززات يبراگيموۆا زەينەتاقىنىڭ بٸر بٶلٸگٸن الۋعا ٶتٸنٸم قابىلدايتىن سايتتىڭ اتىن جارييا ەتتٸ, دەپ حابارلايدى «ۇلت اقپارات».
«سايتتىڭ اتىن العاش رەت جارييا ەتەيٸن. ول - enpf-otbasy.kz. بۇل – بجزق-مەن بٸزدٸڭ بٸرلەسە اتقارعان اسا اۋقىمدى جۇمىسىمىز. 2020 جىلدان بەرٸ وسى اۋقىمدى جۇمىستى بٸرلەسە اتقارىپ كەلەمٸز. سول سەبەپتٸ سايتتىڭ اتاۋىندا ەكٸ ورگاننىڭ دا اتىن ەنگٸزۋدٸ جٶن دەپ شەشتٸك. قازٸر وعان كٸرسەڭٸز, سەرۆيستٸڭ 23 قاڭتاردان ساعات 09.00-دە جۇمىستى باستايتىنى جازىلىپ تۇر. سەرۆيس تولىعىمەن دايىن. كەشە رەداكتسييالىق ٶزگەرٸستٸ ەنگٸزدٸك», - دەدٸ لەززات يبراگيموۆا ورتالىق كوممۋنيكاتسييالار قىزمەتٸنٸڭ الاڭىندا ٶتكەن باسپاسٶز مەسليحاتىندا.
ەسكە سالا كەتسەك, بۇعان دەيٸن قۇرىلىس جəنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تٶراعاسىنىڭ ورىنباسارى ەركەبۇلان داۋىلباەۆ ازاماتتار زەينەتاقى جيناعىنىڭ بٸر بٶلٸگٸن قانداي جاعدايدا پايدالانا الاتىنىن تٷسٸندٸرگەن بولاتىن.
