Foto: gov.kz
Óskemendegi «Qaztsink» zaýytynda bolǵan jarylystan aýyr jaralanǵan jumysshyǵa kómek kórsetý úshin Astanadan dárigerler shuǵyl túrde arnaiy bortpen attanbaq, dep habarlaidy Ult.kz.
Ulttyq shuǵyl meditsinany úilestirý ortalyǵynyń mamandary kúiigi asa aýyr naýqasty emdeýge tartylýda. Buǵan deiin astanalyq dárigerler telemeditsina arqyly keńes ótkizip, emdeý taktikasyn kelisken.
Jarylys saldarynan 1980 jyly týǵan er adamnyń denesiniń 90 paiyzyn kúiik shalǵan. Dárigerlerdiń aitýynsha, onyń terisimen qatar ishki aǵzalary, óńeshi, tipti kózi de zaqymdanǵan. Naýqas aýrýhanaǵa shok jaǵdaiynda jetkizilgen.
Taǵy bir zardap shekken 1974 jylǵy er adamnyń omyrtqasy synǵan.
Shyǵys Qazaqstan oblysyndaǵy meditsinalyq ortalyqta oqiǵa týraly alǵashqy habar tańǵy 08:30-da túsken. Osydan keiin shuǵyl brigada jasaqtalyp, nebári 15 minýt ishinde alǵashqy zardap shekkender jetkizile bastaǵan. Alǵashqy bes adamnyń tórteýi er adam, bireýi áiel ekeni belgili boldy.
Eske sala keteiik, buǵan deiin atalǵan jarylys saldarynan eki adamnyń qaza tapqany habarlanǵan.
