فوتو: gov.kz
ٶسكەمەندەگٸ «قازتسينك» زاۋىتىندا بولعان جارىلىستان اۋىر جارالانعان جۇمىسشىعا كٶمەك كٶرسەتۋ ٷشٸن استانادان دەرٸگەرلەر شۇعىل تٷردە ارنايى بورتپەن اتتانباق, دەپ حابارلايدى Ult.kz.
ۇلتتىق شۇعىل مەديتسينانى ٷيلەستٸرۋ ورتالىعىنىڭ ماماندارى كٷيٸگٸ اسا اۋىر ناۋقاستى ەمدەۋگە تارتىلۋدا. بۇعان دەيٸن استانالىق دەرٸگەرلەر تەلەمەديتسينا ارقىلى كەڭەس ٶتكٸزٸپ, ەمدەۋ تاكتيكاسىن كەلٸسكەن.
جارىلىس سالدارىنان 1980 جىلى تۋعان ەر ادامنىڭ دەنەسٸنٸڭ 90 پايىزىن كٷيٸك شالعان. دەرٸگەرلەردٸڭ ايتۋىنشا, ونىڭ تەرٸسٸمەن قاتار ٸشكٸ اعزالارى, ٶڭەشٸ, تٸپتٸ كٶزٸ دە زاقىمدانعان. ناۋقاس اۋرۋحاناعا شوك جاعدايىندا جەتكٸزٸلگەن.
تاعى بٸر زارداپ شەككەن 1974 جىلعى ەر ادامنىڭ ومىرتقاسى سىنعان.
شىعىس قازاقستان وبلىسىنداعى مەديتسينالىق ورتالىقتا وقيعا تۋرالى العاشقى حابار تاڭعى 08:30-دا تٷسكەن. وسىدان كەيٸن شۇعىل بريگادا جاساقتالىپ, نەبەرٸ 15 مينۋت ٸشٸندە العاشقى زارداپ شەككەندەر جەتكٸزٸلە باستاعان. العاشقى بەس ادامنىڭ تٶرتەۋٸ ەر ادام, بٸرەۋٸ ەيەل ەكەنٸ بەلگٸلٸ بولدى.
ەسكە سالا كەتەيٸك, بۇعان دەيٸن اتالعان جارىلىس سالدارىنان ەكٸ ادامنىڭ قازا تاپقانى حابارلانعان.
