Kelesi jyly Shyǵys Qazaqstannyń oblys ortalyǵynda qurylysynda arhitektýranyń sońǵy úlgileri paidalanylǵan jańa park ashylady.
Park pen monýment qalanyń sol jaq bóliginde ornalasady. Óskemen qalasy úshin bul kútpegen ári biregei arhitektýralyq sheshim.
5 ga aimaqqa arnalǵan parkte demalys oryndary, balalar oiyn jáne sport alańdary, shaǵyn arhitektýralyq keskinder, oryndyqtar, LED jaryq shamdary ornatylyp, 500 aǵash kósheti otyrǵyzylady. Parktiń dál ortasynda Qazaqstan halyqtary birliginiń simvoly retinde «Nurly Jol» monýmenti ornatylady. Memlekettik týdyń túsimen boialǵan monýment, shańyraq pen qalyqtap ushqan qyrannyń biiktigi 22 metrdi quraidy. Park janynan 10 kóp qabatty turǵyn úi salynatyn bolady.
Aimaq basshysy Danial Ahmetov qurylys jumystarymen tanysa kele, óziniń on baǵasyn berdi.
- Bizde keremet jańa park ashylatyn bolady. Onyń artynda 10 kóp qabatty turǵyn úi salynady. Osy arqyly biz buǵan deiin aitylǵan Sátpaev dańǵyly boiynda turǵyn úilermen qatar mádeni nysandarynyń qurylysyn bastaýdy júzege asyryp otyrmyz. Sonda ǵana turǵyndar úshin barlyq jaǵdai jasalyp, jaily ómir súrýlerine bolady. Bul qala adam úshin uǵymynyń negizgi túiini bolmaq. Memleketimizdiń bolashaǵyn keskindeitin jańa joba qurylysynyń bastalýyna qýanyshtymyn, - dedi Danial Ahmetov.
Qazirgi ýaqytta «Nurly Jol» parkiniń aýmaǵynda bailanys pen qatynas jelileri ornatylyp, beton jumystary júrgizilip jatyr.
Joba avtory Sársen Siitovtyń aitýynsha bul biregei joba. Ol adamdar barynsha baǵa beretinine senim bildiredi. Parktiń ashylýy 2017 jyldyń maýsym aiyna josparlanyp otyr.
"Ult aqparat"
