كەلەسٸ جىلى شىعىس قازاقستاننىڭ وبلىس ورتالىعىندا قۇرىلىسىندا ارحيتەكتۋرانىڭ سوڭعى ٷلگٸلەرٸ پايدالانىلعان جاڭا پارك اشىلادى.
پارك پەن مونۋمەنت قالانىڭ سول جاق بٶلٸگٸندە ورنالاسادى. ٶسكەمەن قالاسى ٷشٸن بۇل كٷتپەگەن ەرٸ بٸرەگەي ارحيتەكتۋرالىق شەشٸم.
5 گا ايماققا ارنالعان پاركتە دەمالىس ورىندارى, بالالار ويىن جەنە سپورت الاڭدارى, شاعىن ارحيتەكتۋرالىق كەسكٸندەر, ورىندىقتار, LED جارىق شامدارى ورناتىلىپ, 500 اعاش كٶشەتٸ وتىرعىزىلادى. پاركتٸڭ دەل ورتاسىندا قازاقستان حالىقتارى بٸرلٸگٸنٸڭ سيمۆولى رەتٸندە «نۇرلى جول» مونۋمەنتٸ ورناتىلادى. مەملەكەتتٸك تۋدىڭ تٷسٸمەن بويالعان مونۋمەنت, شاڭىراق پەن قالىقتاپ ۇشقان قىراننىڭ بيٸكتٸگٸ 22 مەتردٸ قۇرايدى. پارك جانىنان 10 كٶپ قاباتتى تۇرعىن ٷي سالىناتىن بولادى.
ايماق باسشىسى دانيال احمەتوۆ قۇرىلىس جۇمىستارىمەن تانىسا كەلە, ٶزٸنٸڭ ون باعاسىن بەردٸ.
- بٸزدە كەرەمەت جاڭا پارك اشىلاتىن بولادى. ونىڭ ارتىندا 10 كٶپ قاباتتى تۇرعىن ٷي سالىنادى. وسى ارقىلى بٸز بۇعان دەيٸن ايتىلعان سەتپاەۆ داڭعىلى بويىندا تۇرعىن ٷيلەرمەن قاتار مەدەني نىساندارىنىڭ قۇرىلىسىن باستاۋدى جٷزەگە اسىرىپ وتىرمىز. سوندا عانا تۇرعىندار ٷشٸن بارلىق جاعداي جاسالىپ, جايلى ٶمٸر سٷرۋلەرٸنە بولادى. بۇل قالا ادام ٷشٸن ۇعىمىنىڭ نەگٸزگٸ تٷيٸنٸ بولماق. مەملەكەتٸمٸزدٸڭ بولاشاعىن كەسكٸندەيتٸن جاڭا جوبا قۇرىلىسىنىڭ باستالۋىنا قۋانىشتىمىن, - دەدٸ دانيال احمەتوۆ.
قازٸرگٸ ۋاقىتتا «نۇرلى جول» پاركٸنٸڭ اۋماعىندا بايلانىس پەن قاتىناس جەلٸلەرٸ ورناتىلىپ, بەتون جۇمىستارى جٷرگٸزٸلٸپ جاتىر.
جوبا اۆتورى سەرسەن سييتوۆتىڭ ايتۋىنشا بۇل بٸرەگەي جوبا. ول ادامدار بارىنشا باعا بەرەتٸنٸنە سەنٸم بٸلدٸرەدٸ. پاركتٸڭ اشىلۋى 2017 جىلدىڭ ماۋسىم ايىنا جوسپارلانىپ وتىر.
"ۇلت اقپارات"
