Grýziianyń Telavi qalasyndaǵy qonaqúide reseilik áieldi soqqyǵa jyǵyp, murnyn syndyrdy degen kúdikpen er adam ustaldy, dep habarlaidy ult.kz.
Kýágerlerdiń aitýynsha, janjal áielderdiń orys tilinde sóilegeninen keiin bastalǵan. Olardyń sózinshe, bir top qyz qonaqúidiń balkonynda shampan ashyp turǵan kezde sýsynnyń bir bóligi tómenge tógilgen. Sol sátte tómende turǵan er adamdardyń biri qyzdardyń oryssha sóilep turǵanyn estip, olardyń bólmesine kóterilip baryp, janjal shyǵarǵan.
«Qurbylarymmen birge balkonda shampan ashtyq. Sýsynymyz tómenge shashyrap ketti. Tómendegi er adamdardyń biri bizdiń orys tilinde sóileitinimizdi estip, bólmege kelip, qurbymdy soqqyǵa jyqty», – deidi oqiǵa kýágeri.
Saldarynan áieldiń murny synǵan.
Alaida Grýziianyń Ishki ister ministrligi oqiǵanyń basqa nusqasyn jariialady. Vedomstvonyń málimetinshe, janjal qonaqúi mańynda ótip jatqan úilený toiy kezinde týyndaǵan. Tergeý deregine sáikes, qyzdar toi qonaqtaryn balaǵattap, mýzykalyq apparatýraǵa sý shashqan. Osydan keiin toiǵa qatysýshylardyń biri olardyń bólmesine kóterilip, tóbeles bolǵan.
Sputnik Georgia málimetinshe, ustalǵan azamatqa densaýlyqqa qasaqana jeńil ziian keltirdi degen aiyp taǵylǵan. Eger onyń kinási dáleldense, oǵan úsh jylǵa deiin bas bostandyǵynan aiyrý jazasy taǵaiyndalýy múmkin.
Qazirgi ýaqytta kúdikti qamaýǵa alynyp, oqiǵaǵa qatysty tergeý júrgizilip jatyr.
