گرۋزييانىڭ تەلاۆي قالاسىنداعى قوناقٷيدە رەسەيلٸك ەيەلدٸ سوققىعا جىعىپ, مۇرنىن سىندىردى دەگەن كٷدٸكپەن ەر ادام ۇستالدى, دەپ حابارلايدى ult.kz.
كۋەگەرلەردٸڭ ايتۋىنشا, جانجال ەيەلدەردٸڭ ورىس تٸلٸندە سٶيلەگەنٸنەن كەيٸن باستالعان. ولاردىڭ سٶزٸنشە, بٸر توپ قىز قوناقٷيدٸڭ بالكونىندا شامپان اشىپ تۇرعان كەزدە سۋسىننىڭ بٸر بٶلٸگٸ تٶمەنگە تٶگٸلگەن. سول سەتتە تٶمەندە تۇرعان ەر ادامداردىڭ بٸرٸ قىزداردىڭ ورىسشا سٶيلەپ تۇرعانىن ەستٸپ, ولاردىڭ بٶلمەسٸنە كٶتەرٸلٸپ بارىپ, جانجال شىعارعان.
«قۇربىلارىممەن بٸرگە بالكوندا شامپان اشتىق. سۋسىنىمىز تٶمەنگە شاشىراپ كەتتٸ. تٶمەندەگٸ ەر ادامداردىڭ بٸرٸ بٸزدٸڭ ورىس تٸلٸندە سٶيلەيتٸنٸمٸزدٸ ەستٸپ, بٶلمەگە كەلٸپ, قۇربىمدى سوققىعا جىقتى», – دەيدٸ وقيعا كۋەگەرٸ.
سالدارىنان ەيەلدٸڭ مۇرنى سىنعان.
الايدا گرۋزييانىڭ ٸشكٸ ٸستەر مينيسترلٸگٸ وقيعانىڭ باسقا نۇسقاسىن جارييالادى. ۆەدومستۆونىڭ مەلٸمەتٸنشە, جانجال قوناقٷي ماڭىندا ٶتٸپ جاتقان ٷيلەنۋ تويى كەزٸندە تۋىنداعان. تەرگەۋ دەرەگٸنە سەيكەس, قىزدار توي قوناقتارىن بالاعاتتاپ, مۋزىكالىق اپپاراتۋراعا سۋ شاشقان. وسىدان كەيٸن تويعا قاتىسۋشىلاردىڭ بٸرٸ ولاردىڭ بٶلمەسٸنە كٶتەرٸلٸپ, تٶبەلەس بولعان.
Sputnik Georgia مەلٸمەتٸنشە, ۇستالعان ازاماتقا دەنساۋلىققا قاساقانا جەڭٸل زييان كەلتٸردٸ دەگەن ايىپ تاعىلعان. ەگەر ونىڭ كٸنەسٸ دەلەلدەنسە, وعان ٷش جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.
قازٸرگٸ ۋاقىتتا كٷدٸكتٸ قاماۋعا الىنىپ, وقيعاعا قاتىستى تەرگەۋ جٷرگٸزٸلٸپ جاتىر.
