Shyǵys Qazaqstan oblysynyń jurshylyǵy Ridderdegi órtten zardap shekken otbasylarǵa jan-jaqty kómek kórsetýde, dep habarlaidy "Ult aqparat".
Ridderdegi alapat órtten keiin shyǵysqazaqstandyqtar jedel qarajat jinap, gýmanitarlyq kómek kórsetip jatyr. Azyq-túlik pen kiim-keshek tielgen júk kólikteri órtten zardap shekkenderge jiberilýde.
«Óńir halqy el basyna kún týǵanda «bir jaǵadan bas, bir jeńnen qol» shyǵara bildi. Qazirdiń ózinde oblystyń barlyq aýdandarynda gýmanitarlyq kómek jinaý pýnktteri ashylyp, eńbek ujymdary bir kúndik jalaqysyn aýdardy. Kásipkerler qarjylai kómek kórsetse, eriktiler men ózge de turǵyndar kiim-keshek pen azyq-túlik jiberýde», - dep habarlady ShQO Aqparat ortalyǵy.
Semeiden kómek retinde Ridderge 16 mln teńgeden astam qarjy jiberildi. Abai aýdanynyń turǵandary zardap shekkenderge 2 mln teńgeden astam kómek aýdardy. Glýbokoe aýdanynda kásipkerlerdiń, sharýa qojalyqtary ieleriniń jáne basqa da azamattardyń qoldaýymen azyq-túlik jáne birinshi qajettiliktegi zattary bar «Gazel» avtokóligi kómekke jóneltildi. Sondai-aq qaiyrymdylyq qoryna qarajat aýdarylyp jatyr.
