شىعىس قازاقستان وبلىسىنىڭ جۇرشىلىعى ريددەردەگٸ ٶرتتەن زارداپ شەككەن وتباسىلارعا جان-جاقتى كٶمەك كٶرسەتۋدە, دەپ حابارلايدى "ۇلت اقپارات".
ريددەردەگٸ الاپات ٶرتتەن كەيٸن شىعىسقازاقستاندىقتار جەدەل قاراجات جيناپ, گۋمانيتارلىق كٶمەك كٶرسەتٸپ جاتىر. ازىق-تٷلٸك پەن كيٸم-كەشەك تيەلگەن جٷك كٶلٸكتەرٸ ٶرتتەن زارداپ شەككەندەرگە جٸبەرٸلۋدە.
«ٶڭٸر حالقى ەل باسىنا كٷن تۋعاندا «بٸر جاعادان باس, بٸر جەڭنەن قول» شىعارا بٸلدٸ. قازٸردٸڭ ٶزٸندە وبلىستىڭ بارلىق اۋداندارىندا گۋمانيتارلىق كٶمەك جيناۋ پۋنكتتەرٸ اشىلىپ, ەڭبەك ۇجىمدارى بٸر كٷندٸك جالاقىسىن اۋداردى. كەسٸپكەرلەر قارجىلاي كٶمەك كٶرسەتسە, ەرٸكتٸلەر مەن ٶزگە دە تۇرعىندار كيٸم-كەشەك پەن ازىق-تٷلٸك جٸبەرۋدە», - دەپ حابارلادى شقو اقپارات ورتالىعى.
سەمەيدەن كٶمەك رەتٸندە ريددەرگە 16 ملن تەڭگەدەن استام قارجى جٸبەرٸلدٸ. اباي اۋدانىنىڭ تۇرعاندارى زارداپ شەككەندەرگە 2 ملن تەڭگەدەن استام كٶمەك اۋداردى. گلۋبوكوە اۋدانىندا كەسٸپكەرلەردٸڭ, شارۋا قوجالىقتارى يەلەرٸنٸڭ جەنە باسقا دا ازاماتتاردىڭ قولداۋىمەن ازىق-تٷلٸك جەنە بٸرٸنشٸ قاجەتتٸلٸكتەگٸ زاتتارى بار «گازەل» اۆتوكٶلٸگٸ كٶمەككە جٶنەلتٸلدٸ. سونداي-اق قايىرىمدىلىق قورىنا قاراجات اۋدارىلىپ جاتىر.
