Almatyda buryn politsiia qyzmetkeri bolǵan er adamnyń qazasyna qatysty is qoǵamda qyzý talqylanyp jatyr. Aldyn ala tergeý nusqalarynyń birinde marqumdy jubaiy órtep jiberýi múmkin degen kúdik qarastyrylýda, dep habarlaidy ult.kz.
Osyǵan deiin oqiǵaǵa bailanysty marqumnyń týystarynyń pikiri kópshilikke taraǵan edi. Endi kúdikke ilingen áieldiń jaqyndary da alǵash ret ún qatyp, bolǵan jaǵdaiǵa qatysty ózderine belgili jaittardy aityp berdi.
Áieldiń sińlisi Rýslan Ótepbaiǵa bergen suhbatynda ápkesi men marqumnyń otbasyndaǵy qarym-qatynasyna qatysty birqatar málimetti jariialady.
«Uldaryn tańǵa deiin urǵan. Áielin de uratyn. Ony ózi videoǵa túsirip alatyn bolǵan. Ony ápkem aitty. Ápkem qansha ketip qalsa da, kúieýi kelip alyp ketetin. Bilmeimin, qorqytady ma, ne úshin ketetinin túsinbeitinbiz», – dedi ol.
Kúdiktiniń týystary istiń barlyq mán-jaiy jan-jaqty zerttelýi kerek dep esepteidi. Olar tergeý aiaqtalmai turyp, oqiǵaǵa qatysty birjaqty pikir qalyptastyryp, asyǵys qorytyndy jasamaýǵa shaqyrdy.
