الماتىدا بۇرىن پوليتسييا قىزمەتكەرٸ بولعان ەر ادامنىڭ قازاسىنا قاتىستى ٸس قوعامدا قىزۋ تالقىلانىپ جاتىر. الدىن الا تەرگەۋ نۇسقالارىنىڭ بٸرٸندە مارقۇمدى جۇبايى ٶرتەپ جٸبەرۋٸ مٷمكٸن دەگەن كٷدٸك قاراستىرىلۋدا, دەپ حابارلايدى ult.kz.
وسىعان دەيٸن وقيعاعا بايلانىستى مارقۇمنىڭ تۋىستارىنىڭ پٸكٸرٸ كٶپشٸلٸككە تاراعان ەدٸ. ەندٸ كٷدٸككە ٸلٸنگەن ەيەلدٸڭ جاقىندارى دا العاش رەت ٷن قاتىپ, بولعان جاعدايعا قاتىستى ٶزدەرٸنە بەلگٸلٸ جايتتاردى ايتىپ بەردٸ.
ەيەلدٸڭ سٸڭلٸسٸ رۋسلان ٶتەپبايعا بەرگەن سۇحباتىندا ەپكەسٸ مەن مارقۇمنىڭ وتباسىنداعى قارىم-قاتىناسىنا قاتىستى بٸرقاتار مەلٸمەتتٸ جارييالادى.
«ۇلدارىن تاڭعا دەيٸن ۇرعان. ەيەلٸن دە ۇراتىن. ونى ٶزٸ ۆيدەوعا تٷسٸرٸپ الاتىن بولعان. ونى ەپكەم ايتتى. ەپكەم قانشا كەتٸپ قالسا دا, كٷيەۋٸ كەلٸپ الىپ كەتەتٸن. بٸلمەيمٸن, قورقىتادى ما, نە ٷشٸن كەتەتٸنٸن تٷسٸنبەيتٸنبٸز», – دەدٸ ول.
كٷدٸكتٸنٸڭ تۋىستارى ٸستٸڭ بارلىق مەن-جايى جان-جاقتى زەرتتەلۋٸ كەرەك دەپ ەسەپتەيدٸ. ولار تەرگەۋ اياقتالماي تۇرىپ, وقيعاعا قاتىستى بٸرجاقتى پٸكٸر قالىپتاستىرىپ, اسىعىس قورىتىندى جاساماۋعا شاقىردى.
