Qytai Halyq Respýblikasynyń Tóraǵasy Si Tszinpin óz eliniń Ortalyq Aziiamen aradaǵy taýar ainalymyn 70 mlrd dollarǵa jetkizýge qulyqty ekenin jetkizdi, dep habarlaidy QazAqparat.
«Biz Ortalyq Aziianyń sapaly taýarlary men aýylsharýashylyq ónimderi úshin Qytaidyń aýqymdy ishki naryǵyna keńinen jol ashýǵa daiynbyz. Ortalyq Aziia men Qytai arasynda saýda forýmyn ótkizse jaqsy bolar edi. Biz 2030 jylǵa Qarai Qytai men Ortalyq Aziia elderi arasyndaǵy taýar ainalymyn 70 mlrd dollarǵa deiin arttyrýǵa kúsh salamyz. Elektrondy kommertsiia salasynda áriptestik ornatý boiynsha dialog tetigin quryp, qajet bolǵan jaǵdaida indýstriialyq-innovatsiialyq áriptestik forýmyn ótkizýdi usynamyz», - dedi Qytai basshysy.
Shara barysynda QHR Tóraǵasy Qazaqstandaǵy qańtar tragediiasy týraly pikir bildirdi.
«Bizdiń bárimiz syrtqy kúshterdiń aimaqtaǵy túrli-tústi tóńkeristerdiń qoltyǵyna sý búrkip, «adam quqyqtary» syltaýymen ishki isterimizge aralasý, halyqtarymyzdyń tynysh ómirin buzý talpynystaryna úzildi-kesildi qarsy turamyz. Jaqynda Qazaqstanda bolǵan tártipsizdikter adam ólimine jáne materialdyq shyǵyndarǵa ákep soqtyrdy», - dedi ol.
