قىتاي حالىق رەسپۋبليكاسىنىڭ تٶراعاسى سي تسزينپين ٶز ەلٸنٸڭ ورتالىق ازييامەن اراداعى تاۋار اينالىمىن 70 ملرد دوللارعا جەتكٸزۋگە قۇلىقتى ەكەنٸن جەتكٸزدٸ, دەپ حابارلايدى قازاقپارات.
«بٸز ورتالىق ازييانىڭ ساپالى تاۋارلارى مەن اۋىلشارۋاشىلىق ٶنٸمدەرٸ ٷشٸن قىتايدىڭ اۋقىمدى ٸشكٸ نارىعىنا كەڭٸنەن جول اشۋعا دايىنبىز. ورتالىق ازييا مەن قىتاي اراسىندا ساۋدا فورۋمىن ٶتكٸزسە جاقسى بولار ەدٸ. بٸز 2030 جىلعا قاراي قىتاي مەن ورتالىق ازييا ەلدەرٸ اراسىنداعى تاۋار اينالىمىن 70 ملرد دوللارعا دەيٸن ارتتىرۋعا كٷش سالامىز. ەلەكتروندى كوممەرتسييا سالاسىندا ەرٸپتەستٸك ورناتۋ بويىنشا ديالوگ تەتٸگٸن قۇرىپ, قاجەت بولعان جاعدايدا يندۋسترييالىق-يننوۆاتسييالىق ەرٸپتەستٸك فورۋمىن ٶتكٸزۋدٸ ۇسىنامىز», - دەدٸ قىتاي باسشىسى.
شارا بارىسىندا قحر تٶراعاسى قازاقستانداعى قاڭتار تراگەديياسى تۋرالى پٸكٸر بٸلدٸردٸ.
«بٸزدٸڭ بەرٸمٸز سىرتقى كٷشتەردٸڭ ايماقتاعى تٷرلٸ-تٷستٸ تٶڭكەرٸستەردٸڭ قولتىعىنا سۋ بٷركٸپ, «ادام قۇقىقتارى» سىلتاۋىمەن ٸشكٸ ٸستەرٸمٸزگە ارالاسۋ, حالىقتارىمىزدىڭ تىنىش ٶمٸرٸن بۇزۋ تالپىنىستارىنا ٷزٸلدٸ-كەسٸلدٸ قارسى تۇرامىز. جاقىندا قازاقستاندا بولعان تەرتٸپسٸزدٸكتەر ادام ٶلٸمٸنە جەنە ماتەريالدىق شىعىندارعا ەكەپ سوقتىردى», - دەدٸ ول.
