Taraz qalasynda ustalǵan jigit politsiiadan qashyp ketti. Oqiǵanyń videosy áleýmettik jelide tarady, dep habarlaidy Sputnik Qazaqstan.
Videoda qara jeide kigen jigittiń áielmen qoshtasyp jatqany anyq kórinedi. Olardyń janynda patrýldik politsiianyń kóligi tur. Oń jaq esigi ashyq. Ishinde tártip saqshylary otyr. Al politseilerdiń bireýi esikti jaýyp qalǵanda dalada turǵan er adam qasha jóneledi. Gaz qubyrymen órmeleidi de, joǵarydaǵy tikendi symnan sekirip ótedi. Qyzyl jeide kigen jigit birden tóbege shyǵady. Biraq kiimi tikendi symǵa ilinip qalady. Forma kigen taǵy bir politsei de qashqynnyń artynan júgiredi.
Áleýmettik jelide qashqyndy ustaý operatsiiasynyń videosy da jariialandy.
Resmi málimetke sáikes, bul oqiǵa 5 tamyz kúni keshki saǵat 17:30-de bolǵan. Túrmeden merziminen buryn bosatylǵan Taraz qalasynyń 26 jastaǵy turǵyny Ivan Zozýlia belgilengen tártipti buzǵany úshin 2 jyl 10 aiǵa qamaýǵa alynǵan. Al qylmystyq atqarý júiesi departamentiniń 158/1 mekemesine aparǵanda qashyp ketken.
"Jedel izdestirý is-sharalary barysynda Zozýlia 8 tamyzda saǵat 21:00-diń shamasynda "Qarasý" shaǵyn aýdanynda ustaldy. Qylmystyq kodekstiń 426-babymen, iaǵni, kúzetten qashqany úshin sotqa deiingi tergep-tekserý júrgizilip jatyr. Osy qylmysty jasaǵany úshin úsh jylǵa deiin bas bostandyǵynan aiyrý jazasy qarastyrylǵan", - deidi politseiler.
Kúdikti óz kinásin tolyq moiyndady. Qazirgi kezde ol tergeý izoliatoryna qamaldy. 2012 jyly Zozýlia zańsyz qarý saqtaǵany jáne esirtki zattaryn ótkizgeni úshin 10 jylǵa bas bostandyǵynan aiyrylǵan.
