تاراز قالاسىندا ۇستالعان جٸگٸت پوليتسييادان قاشىپ كەتتٸ. وقيعانىڭ ۆيدەوسى ەلەۋمەتتٸك جەلٸدە تارادى, دەپ حابارلايدى Sputnik قازاقستان.
ۆيدەودا قارا جەيدە كيگەن جٸگٸتتٸڭ ەيەلمەن قوشتاسىپ جاتقانى انىق كٶرٸنەدٸ. ولاردىڭ جانىندا پاترۋلدٸك پوليتسييانىڭ كٶلٸگٸ تۇر. وڭ جاق ەسٸگٸ اشىق. ٸشٸندە تەرتٸپ ساقشىلارى وتىر. ال پوليتسەيلەردٸڭ بٸرەۋٸ ەسٸكتٸ جاۋىپ قالعاندا دالادا تۇرعان ەر ادام قاشا جٶنەلەدٸ. گاز قۇبىرىمەن ٶرمەلەيدٸ دە, جوعارىداعى تٸكەندٸ سىمنان سەكٸرٸپ ٶتەدٸ. قىزىل جەيدە كيگەن جٸگٸت بٸردەن تٶبەگە شىعادى. بٸراق كيٸمٸ تٸكەندٸ سىمعا ٸلٸنٸپ قالادى. فورما كيگەن تاعى بٸر پوليتسەي دە قاشقىننىڭ ارتىنان جٷگٸرەدٸ.
ەلەۋمەتتٸك جەلٸدە قاشقىندى ۇستاۋ وپەراتسيياسىنىڭ ۆيدەوسى دا جارييالاندى.
رەسمي مەلٸمەتكە سەيكەس, بۇل وقيعا 5 تامىز كٷنٸ كەشكٸ ساعات 17:30-دە بولعان. تٷرمەدەن مەرزٸمٸنەن بۇرىن بوساتىلعان تاراز قالاسىنىڭ 26 جاستاعى تۇرعىنى يۆان زوزۋليا بەلگٸلەنگەن تەرتٸپتٸ بۇزعانى ٷشٸن 2 جىل 10 ايعا قاماۋعا الىنعان. ال قىلمىستىق اتقارۋ جٷيەسٸ دەپارتامەنتٸنٸڭ 158/1 مەكەمەسٸنە اپارعاندا قاشىپ كەتكەن.
"جەدەل ٸزدەستٸرۋ ٸس-شارالارى بارىسىندا زوزۋليا 8 تامىزدا ساعات 21:00-دٸڭ شاماسىندا "قاراسۋ" شاعىن اۋدانىندا ۇستالدى. قىلمىستىق كودەكستٸڭ 426-بابىمەن, ياعني, كٷزەتتەن قاشقانى ٷشٸن سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر. وسى قىلمىستى جاساعانى ٷشٸن ٷش جىلعا دەيٸن باس بوستاندىعىنان ايىرۋ جازاسى قاراستىرىلعان", - دەيدٸ پوليتسەيلەر.
كٷدٸكتٸ ٶز كٸنەسٸن تولىق مويىندادى. قازٸرگٸ كەزدە ول تەرگەۋ يزولياتورىنا قامالدى. 2012 جىلى زوزۋليا زاڭسىز قارۋ ساقتاعانى جەنە ەسٸرتكٸ زاتتارىن ٶتكٸزگەنٸ ٷشٸن 10 جىلعا باس بوستاندىعىنان ايىرىلعان.
