Batys Qazaqstan oblysynda dárilik zattardy zańsyz ótkizý derekterin anyqtaý jalǵasýda, dep habarlaidy "Ult aqparat".
BQO boiynsha ekonomikalyq tergeý departamentinen túsken málimetke qaraǵanda, jedel izdestirý sharalary barysynda osyndai eki derek belgili boldy.
Oral qalasynyń turǵyny dári-dármekterdi Qazaqstan Respýblikasynyń ýákiletti organynyń ruqsatynsyz satqan. Odan jalpy quny 128 myń teńgeni quraityn tseftriakson jáne ledokain dárileri tabylyp, tárkilendi.
Sol sekildi qaladaǵy dárihanalardyń biri infliýtsid preparatynyń oramyn 3 500 teńgeden (belgilengen baǵa – 2 571 teńge) ótkizgen. Bul QR Densaýlyq saqtaý ministrliginiń 2019 jylǵy 15 shildedegi «Dárilik zattyń bólshek saýdada jáne kóterme saýdada satylatyn taýarlyq ataýynyń shekti baǵalaryn bekitý týraly» buiryǵyna qaishy keledi.
Zań buzǵandardy ákimshilik jaýapkershilikke tartý úshin materialdar BQO taýarlar men qyzmetterdiń sapasy men qaýipsizdigin baqylaý departamentine jiberildi.
