باتىس قازاقستان وبلىسىندا دەرٸلٸك زاتتاردى زاڭسىز ٶتكٸزۋ دەرەكتەرٸن انىقتاۋ جالعاسۋدا, دەپ حابارلايدى "ۇلت اقپارات".
بقو بويىنشا ەكونوميكالىق تەرگەۋ دەپارتامەنتٸنەن تٷسكەن مەلٸمەتكە قاراعاندا, جەدەل ٸزدەستٸرۋ شارالارى بارىسىندا وسىنداي ەكٸ دەرەك بەلگٸلٸ بولدى.
ورال قالاسىنىڭ تۇرعىنى دەرٸ-دەرمەكتەردٸ قازاقستان رەسپۋبليكاسىنىڭ ۋەكٸلەتتٸ ورگانىنىڭ رۇقساتىنسىز ساتقان. ودان جالپى قۇنى 128 مىڭ تەڭگەنٸ قۇرايتىن تسەفترياكسون جەنە لەدوكاين دەرٸلەرٸ تابىلىپ, تەركٸلەندٸ.
سول سەكٸلدٸ قالاداعى دەرٸحانالاردىڭ بٸرٸ ينفليۋتسيد پرەپاراتىنىڭ ورامىن 3 500 تەڭگەدەن (بەلگٸلەنگەن باعا – 2 571 تەڭگە) ٶتكٸزگەن. بۇل قر دەنساۋلىق ساقتاۋ مينيسترلٸگٸنٸڭ 2019 جىلعى 15 شٸلدەدەگٸ «دەرٸلٸك زاتتىڭ بٶلشەك ساۋدادا جەنە كٶتەرمە ساۋدادا ساتىلاتىن تاۋارلىق اتاۋىنىڭ شەكتٸ باعالارىن بەكٸتۋ تۋرالى» بۇيرىعىنا قايشى كەلەدٸ.
زاڭ بۇزعانداردى ەكٸمشٸلٸك جاۋاپكەرشٸلٸككە تارتۋ ٷشٸن ماتەريالدار بقو تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنە جٸبەرٸلدٸ.
