Oralda avtokólik pen jolaýshylar avtobýsy soqtyǵysty, sonyń saldarynan qaza tapqandar men zardap shekkender bar, - dep habarlaidy "Ult aqparat" Tengrinews.kz agenttigine silteme jasap.
Jol-kólik oqiǵasy 5 naýryzda Oral - Darinsk tasjolyndaǵy Trekino aýylynyń mańynda boldy.
Volkswagen Transporter markaly jolaýshylar avtobýsy Rýbejka aýylynynan kele jatqan. Júrgizýshi Vladimir Fisenkonyń aitýynsha, ol 15 jolaýshyny alyp kele jatqan. Bir sátte joldyń qarsy betinen Volkswagen Passat markaly avtmobil atyp shyqqan. Soqtyǵysý saldarynan jeńil kóliktiń júrgizýshisi sol mezette qaitys bolǵan. Avtobýs joldan shyǵyp ketken, ony áli sol jerden shyǵarǵan joq.
Oqiǵa ornyna jedel járdem kóligi men qaitys bolǵan adamnyń týystary keldi. Feldsherdiń aitýynsha, eki adam aýrýhanaǵa jetkizildi. Qalǵany ózdiginen aýrýhanaǵa jetti.
Politseiler oqiǵanyń mán-jaiyn anyqtap jatyr. Aldyn ala málimet boiynsha, jaǵdaiǵa Volkswagen Passat avtokóliginiń júrgizýshisi kináli.
Aita keteiik, Oralda búgin kóktaiǵaq, aýa raiynyń qolaisyzdyǵyna bailanysty birneshe jol jabylǵan. Osyǵan deiin oblysta eskertý jariialanǵan edi.
