ورالدا اۆتوكٶلٸك پەن جولاۋشىلار اۆتوبۋسى سوقتىعىستى, سونىڭ سالدارىنان قازا تاپقاندار مەن زارداپ شەككەندەر بار, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
جول-كٶلٸك وقيعاسى 5 ناۋرىزدا ورال - دارينسك تاسجولىنداعى ترەكينو اۋىلىنىڭ ماڭىندا بولدى.
Volkswagen Transporter ماركالى جولاۋشىلار اۆتوبۋسى رۋبەجكا اۋىلىنىنان كەلە جاتقان. جٷرگٸزۋشٸ ۆلاديمير فيسەنكونىڭ ايتۋىنشا, ول 15 جولاۋشىنى الىپ كەلە جاتقان. بٸر سەتتە جولدىڭ قارسى بەتٸنەن Volkswagen Passat ماركالى اۆتموبيل اتىپ شىققان. سوقتىعىسۋ سالدارىنان جەڭٸل كٶلٸكتٸڭ جٷرگٸزۋشٸسٸ سول مەزەتتە قايتىس بولعان. اۆتوبۋس جولدان شىعىپ كەتكەن, ونى ەلٸ سول جەردەن شىعارعان جوق.
وقيعا ورنىنا جەدەل جەردەم كٶلٸگٸ مەن قايتىس بولعان ادامنىڭ تۋىستارى كەلدٸ. فەلدشەردٸڭ ايتۋىنشا, ەكٸ ادام اۋرۋحاناعا جەتكٸزٸلدٸ. قالعانى ٶزدٸگٸنەن اۋرۋحاناعا جەتتٸ.
پوليتسەيلەر وقيعانىڭ مەن-جايىن انىقتاپ جاتىر. الدىن الا مەلٸمەت بويىنشا, جاعدايعا Volkswagen Passat اۆتوكٶلٸگٸنٸڭ جٷرگٸزۋشٸسٸ كٸنەلٸ.
ايتا كەتەيٸك, ورالدا بٷگٸن كٶكتايعاق, اۋا رايىنىڭ قولايسىزدىعىنا بايلانىستى بٸرنەشە جول جابىلعان. وسىعان دەيٸن وبلىستا ەسكەرتۋ جارييالانعان ەدٸ.
